Litaratura

Novaja dziciačaja knižka pa-biełarusku: pryhody minskaha kata Šprota

Adnojčy kot Šprot, jaki lubić unačy ciškom źbiehčy z bałkona i pabłukać pa vakolicach, znajomicca z pryvidami, što žyvuć pad voknami jaho doma… Tak pačynajecca knižka «Kot Šprot i tajamnica atrakcyjonaŭ», poŭnaja pryhodaŭ kata i chłopčyka Alesia ŭ parku Čaluskincaŭ.

My daviedajemsia, jak zaviazvajecca ich siabroŭstva z susiedziami — pryvidami, vierabjami i myšami. Hieroi knihi ratujuć siabroŭ, jakija trapili ŭ zahadkavuju pastku, i vučacca razam spraŭlacca ź niahodami.

Čym kniha asablivaja? Pa-pieršaje, dziejańnie adbyvajecca ŭ sapraŭdnym siońniašnim Minsku: vy pabyvajecie na zavułku Kalinina, bulvary Tałbuchina, u Parku Čaluskincaŭ.

Pa-druhoje, «Kot Šprot i tajamnica atrakcyjonaŭ» — tolki pieršaja kniha ź sieryi pra niezvyčajnaha kata i jaho siabroŭ. Čytačoŭ čakaje praciah — kab sabrać usiu kalekcyju, varta pačynać užo ciapier! Pa-treciaje, ilustracyi ŭ knizie žyvuć asobnym žyćciom: kali ich uvažliva razhledać, možna zaŭvažyć, što piersanažaŭ troški bolš, čym u tekście. I ŭ hetych zahadkavych piersanažaŭ taksama jość svaja cikavaja historyja.

Knihu napisała pierakładčyca knih dla dziaciej i darosłych Hanna Jankuta.

Dziakujučy joj pa-biełarusku vyjšli historyi pra Šerłaka Chołmsa, zimovaja kazka z pryvidami «Kaladny charał» Dykiensa, kniha žachaŭ «Zamak Otranta» Uołpała i šmat čaho jašče. Aryhinalnyja malunki stvaryła Lila Davydoŭskaja — ilustratarka i dyzajnierka, vypusknica Akademii mastactvaŭ, jakaja žyvie ŭ Kairy (Jehipiet).

Na kraŭdfandynhavaj płatformie «Ulej» raspačaŭsia zbor srodkaŭ na vydańnie hetaj knihi. Kraŭdfandynhavaja kampanija pracuje pa pryncypie pieradzamovy: čytačy, jakija padtrymajuć prajekt, atrymajuć knihu pa samaj nizkaj canie.

Asobnik z aŭtohrafami aŭtaraŭ budzie kaštavać 16 rubloŭ, 2 asobniki — 30 rubloŭ, 3 asobniki — 44 rubli.

Vychad knihi płanujecca na červień 2018 hoda. Jana budzie mieć 80 staronak vialikaha farmatu na ščylnaj krejdavanaj papiery, ćviorduju vokładku. Usie ilustracyi (a ich bolš za 70) buduć kalarovymi.

Dzieci daŭno musiać daznacca praŭdu pra atrakcyjony ŭ minskim Parku Čaluskincaŭ!

Kamientary

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta17

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →