U śviecie źjaviŭsia pieršy aŭtavytvorca, jaki zrabiŭ vytvorčaść elektrakaraŭ rentabielnaj
Kiraŭnik francuzska-japonskaha aljansu Renault-Nissan-Mitsubishi Karłas Hon u intervju kanału CNBC paviedamiŭ, što kampanija vyjšła na prybytak u hetym kirunku.
«Mahčyma, my adziny aŭtamabilny kancern, jaki pačaŭ zarablać na elektrakarach», — zajaviŭ kiraŭnik Renault-Nissan-Mitsubishi. Jon taksama pryznaŭsia, što ličyć aljans samaj «prasunutaj» kampanijaj, jakaja vyrablaje elektrakary z samymi ŭdałymi suadnosinami koštu i jakaści. Kampanija pačała vytvorčaść elektrakaraŭ u 2008 hodzie.
Pakul va ŭsim śviecie vytvorčaść elektramabilaŭ nierentabielnaja. Heta źviazana nie tolki z vysokaj canoj kampanientaŭ i adsutnaściu vialikaha dośviedu ŭ paraŭnańni z tradycyjnymi aŭtamabilami. Top-mieniedžar ličyć, što na heta taksama ŭpłyvaje nieabchodnaść značnych inviestycyj u raspracoŭku i vytvorčaje abstalavańnie dla elektrakaraŭ.
Aŭtavytvorca Renault-Nissan-Mitsubishi ździviŭ analitykaŭ i inviestaraŭ u piatnicu ranicaj, paviedamiŭšy ab rekordnym apieracyjnym prybytku ŭ 3,854 miljarda jeŭra (4,84 miljarda dalaraŭ) na 2017 hod — na 17,4 adsotka bolš, čym hodam raniej.
Taksistam u Minsku paviedamili, što ŭ dzień vybaraŭ nie budzie internetu13
Kamientary