Aficyjnaje prasłuchoŭvańnie ŭsich tych muzykaŭ, jakija aformili zajaŭki pravilna, projdzie 11 studzienia. Ale niekatoryja ź ich trekaŭ možna pasłuchać užo ciapier.

Užo druhi raz pasprabuje svaje siły ŭ adbory śpiavačka Pauline. Letaś jana chacieła skaryć serca žury pieśniaj «Nie majo žyćcio». U hetym hodzie ad jaje znoŭ budzie hučać liryčnaja kampazicyja pad nazvaj «Cicha».

Na biełaruskaj movie taksama pasprabujuć zajavić pra siabie repier Vožyk (Dźmitryj Zajko) razam ź Janaj Prusakovaj ź pieśniaj «Zabi, Boža».

Pra svajo žadańnie pradstaŭlać Biełaruś na «Jeŭrabačańni» vykazaŭsia hurt Shuma, viadomy svaim majsterstvam z falkłoru stvarać sučasnyja kampazicyi. Na nacyjanalnym adbory jany pradstaviać pieśniu «Chmarki»: prama zaraz jany dapisvajuć trek u studyi.

Pra astatnich udzielnikaŭ dakładna stanie viadoma bližej da 11 studzienia, bo, jak nam paviedamili ŭ pres-słužbie Biełteleradyjokampanii, na hety momant idzie pravierka ŭsich zajavak, niekatoryja ź ich viartajucca na dapracoŭku, bo nie da kanca adpaviadajuć konkursnymi praviłam.

Ale bolšaja častka piesień tradycyjna — na anhlijskaj movie.

Siarod tych, chto sprabuje trapić na «Jeŭrabačańnie-2018» užo nie pieršy raz — hurt «Radyjochvala», Juryj Uzari Naŭrocki (jaki, kali nazirać za jaho biełaruskamoŭnym instahramam i apošnimi pieśniami, taksama moža zaśpiavać na adbory na biełaruskaj movie), Volha Saciuk, Žanet, Hiuneš.

Chočuć pradstaŭlać Biełaruś i vychadcy ź inšych krain: tak, zajaŭku na ŭdzieł u nacyjanalnym adbory padała studentka z Maskvy Safija Łapina, jakaja ŭ listapadzie parvała rasijski jutub z kavieram na biełaruskamoŭnuju pieśniu. Akramia śpiavački z Rasii, być tvaram našaj krainy choča 24-hadovy ŭkrainski muzyka Mikita Alaksiejeŭ i hramadzianka Tadžykistana Tachmina Nijazava.

Nahadajem, upieršyniu biełaruskaja mova na «Jeŭrabačańni» prahučała letaś: taki šaniec vypaŭ duetu Naviband. Na žal, Arciom Łukjanienka i Ksienija Žuk tady zdoleli zaniać tolki 17-je miesca.

Finał nacyjanalnaha adboru z udziełam 15 najlepšych vykanaŭcaŭ projdzie nie paźniej za 1 sakavika 2018 hadoŭ ŭ farmacie televizijnaha kancerta. Samo ž «Jeŭrabačańnie-2018» adbudziecca ŭ mai ŭ Lisabonie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?