U Krasnadary (Rasija) źbili ekołahaŭ, jakija zdymali dla «Biełsata» rezidencyju Miadźviedzieva
Krasnadarski karespandent «Biełsata» razam z aktyvistami «Ekałahičnaje vachty pa Paŭnočnym Kaŭkazie» vypraviŭsia na zdymki budoŭli VIP-dačy na bierazie Čornaha mora. Isnuje imaviernaść, što budujecca jana dla rasiejskaha premjera Dźmitryja Miadźviedzieva. U vyniku ekołahaŭ i biełsataŭca źbili ludzi ŭ maskach.
Sa słoŭ rasijskaha žurnalista, troje nieviadomych u miedyčnych maskach napali zzadu, bili kastetam i nahami. U vyniku ŭ adnaho z ekołahaŭ — traŭma mozgu i pierałom asnovy čerapa, złamany nos.
Pry hetym karespandent «Biełsata» ŭ Krasnadary Alaksandr Savieljeŭ kaža, što asabista jon paźbiehnuŭ napadu. «Ja nie razumieŭ, što adbyvajecca, ja adkryvaŭ i zakryvaŭ bramu. U vyniku, kali ja vyjšaŭ, to ŭbačyŭ, što Andrej Rudamacha lažyć akryvaŭleny», — kaža Alaksandr.
U hety dzień Savieljeŭ razam z ekołahami naviedali terytoryju ŭ rajonie vioski Krynica pad Hielendžykom, dzie budaŭnictva viadziecca na terytoryi dziaržaŭnaha lasnoha fondu.
«Usim hetym, pa našych dadzienych, zajmajecca kampanija, što naležyć siabru Pucina Mikałaju Jahoravu. Tam pobač budujecca vinny zavodzik. Liču, što heta moža mieć dačynieńnie da Dźmitryja Miadźviedzieva», — upeŭnieny Alaksandr Savieljeŭ.
Pobač z budoŭlaj znachodzicca viadomy novazbudavany pałac, jaki źviazvajuć z Uładzimiram Pucinym. Firmaju-zabudoŭnicaj kiruje picierski advakat Alaksiej Tot — biźnies-partnior Mikałaja Jahorava, advakata i rybnaha mahnata, adnakurśnika Pucina i nastaŭnika premjer-ministra Rasiei ŭ jahonyja picierskija hady. Pobač z budoŭlaj — vinahradniki, što naležać inšaj firmie Tota.
«Achova, sabaki, usio padzielena na siektary. Zbudavali ŭžo carkvu», — tłumačyć źbity Rudamacha.
Savieljeŭ śćviardžaje, što napadniki chacieli zabrać źniataje pad Hielendžykom videa. Jany skrali ŭsiu techniku i dakumienty. Adnak videa zdoleŭ zachavać karespandent «Biełsata».
«Prosta zalivaješsia ślaźmi i dumaješ: za što?» Iryna Ščasnaja i jaje čatyry balučyja hady za kratami10
Kamientary