Samym upłyvovym brendam u śviecie ŭ hetym hodzie staŭ dacki vytvorca cacak Lego, vynikaje z rejtynhu, składzienaha kansałtynhavym ahienctvam Brand Finance.
U rejtynhu koštu brendaŭ Lego zajmaje tolki 196-y radok, adnak u rejtynhu ŭpłyvovaści jon pakinuŭ zzadu Google, Nike, Disney i mnohija inšyja suśvietna viadomyja brendy. Pry składańni rejtynhu samych upłyvovych brendaŭ aceńvajecca papularnaść i viadomaść brenda, reputacyja kampanii i łajalnaść spažyŭcoŭ.
Lego ŭžo zajmaŭ pieršy radok rejtynhu samych upłyvovych brendaŭ u 2015 hodzie, a ŭ 2016 hodzie jon zaniaŭ druhoje miesca ŭ rejtynhu, sastupiŭšy tolki Disney.
Ciapier składana pavieryć, što dackaja kampanija ŭ 2004 hodzie była blizkaja da bankructva: jaje doŭh pieravysiŭ 800 młn dalaraŭ. Navat staršynia rady dyrektaraŭ Lego Brand Group Jorhien Vih Knudstorp tady pryznaŭ parazu.
«My staim na vypalenaj ziamli, u nas skončylisia srodki i chutčej za ŭsio my nie vyžyviem», — kazaŭ jon tady kaleham.
A ŭ 2016 hodzie kampanija Lego paviedamiła ab rekordnaj vyručcy 5,9 młrd dalaraŭ i čystym prybytku 1,5 młrd. Niekatoryja ekśpierty nazvali restrukturyzacyju Lego adnoj z samych udałych.
Kampanija admoviłasia ad imknieńnia da dyviersifikacyi — u 2005 hodzie kampanija pazbaviłasia ad tematyčnych parkaŭ Legoland, na jakija Lego raniej vydatkoŭvała niemałyja hrošy.
Kampanija bolš uvahi nadała svajmu hałoŭnamu kirunku pracy — vyrabu cacak. Kanstruktary Lego lubiać nie tolki dzieci, pradstaŭniki starejšych pakaleńniaŭ taksama nieabyjakavyja da ich.
Lego ŭdałosia pradać 75 młn kanstruktaraŭ ŭ 2016 hodzie.
U minułym hodzie kampanija vyjšła na rynak Kitaja, adkryŭšy tam novuju fabryku, što dazvoliła joj zrabić tańniejšaj vytvorčaść i kankuravać z vytvorcami, jakija pradajuć tannyja cacki.
KDB vypadkova vydaŭ dvuch supracoŭnikaŭ, adkaznych za stvareńnie śpisa «terarystaŭ»22
Kamientary