Salihorskija śledčyja praciahvajuć vyśviatlać abstaviny pryčynieńnia ciažkich cialesnych paškodžańniaŭ žančynie, jakuju špitalizavali ŭ ciažkim stanie ŭviečary 23 śniežnia z kafe paśla numara šou-prahramy, paviedamiła BiełTA aficyjny pradstaŭnik USK pa Minskaj vobłaści Taćciana Biełanoh.

«Padazravanymi pa kryminalnaj spravie, zaviedzienaj pa č.2 art.338 KK (akazańnie pasłuh, što zahadzia nie adkazvajuć patrabavańniam biaśpieki dla žyćcia i zdaroŭja spažyŭcoŭ, jakija paciahnuli pa nieaściarožnaści pryčynieńnie ciažkaha cialesnaha paškodžańnia), pryznanyja dyrektar ustanovy i indyvidualny pradprymalnik, jaki akazvaje pasłuhi pa arhanizacyi i praviadzieńni šou-prahramy, — skazała Taćciana Biełanoh.

- Praciahvajucca dopyty śviedak, rabotnikaŭ, słužbovych asob, adbyvajucca pieratrusy i łabaratornyja daśledavańni. Śledstvam vyvučajucca kanfiskavanaja dakumientacyja, a taksama zapisy z kamier videanazirańnia, jakija dałučany da materyjałaŭ kryminalnaj spravy. Z padazravanymi pravodziacca pracesualnyja i śledčyja dziejańni».

Jak paviedamlałasia, viečaram 23 śniežnia ŭ salihorskim kafe paśla numara šou-prahramy, dzie vykarystoŭvaŭsia vadki azot, naviedvalnicy stała drenna. Žančyna była dastaŭlena ŭ reanimacyju ŭ ciažkim stanie z prykmietami termičnaha apioku.

Клас
0
Панылы сорам
0
Ха-ха
0
Ого
0
Сумна
0
Абуральна
0