Premjer-ministr Polščy Bieata Šydła padała ŭ čaćvier uviečary prośbu ab adstaŭcy, jaje prośba była pryniataja, — paviedamiła pres-sakratarka kiroŭnaj partyi «Prava i Spraviadlivaść» Bieata Mazurek, pieradaje telekanał TVN-24.
Pavodle Mazurek, miesca premjerki Šydła maje zaniać vice-premjer Matevuš Maraviecki. Na pytańnie pra pryčynu adstaŭki pres-sakratarka partyi zajaviła, što «mižnarodnaja i ŭnutrykrainnaja situacyja spryčyniłasia da taho, što pierad «PiS» stajać troški inšyja vykliki, i heta patrabuje adkarektavańnia nie tolki ministarskaha składu, ale i kiraŭnictva ŭradu».
Bieata Mazurek uchiliłasia ad adkazu na pytańnie, kolki i jakich ministraŭ zamienić novy premjer. «Kali staniecca tak, što jon daść prysiahu, to sam raspaviadzie pra detali svajoj pracy, pra toje, kaho bačyć i dzie», — padsumavała jana.
Matevušu Maravieckamu 49 hod. U palityku jon pryjšoŭ z pasady kiraŭnika adnaho z bujnych kamiercyjnych bankaŭ krainy. Dahetul byŭ va ŭradzie ministram raźvićcia i vice-premjeram.
Na minułych parłamienckich vybarach 2015 hodu «Prava i Spraviadlivaść» pad kiraŭnictvam jeŭraskieptyka Jarasłava Kačyńskaha zdabyła 235 mandataŭ u 460-asabovym Siejmie i tamu zdoleła samastojna sfarmavać urad. Nastupnyja parłamienckija vybary ŭ našych zachodnich susiedziaŭ adbuducca praz 2 hady — u 2019 hodzie.
U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika1
Kamientary