U Minsku druhi raz u historyi zafiksavanyja 10-balnyja zatory — aściarožna!
Kampanija «Jandeks» druhi raz u historyi zafiksavała ŭ Minsku prablemy na darohach, jakija aceńvajuć u 10 bałaŭ. Centr horada «staić».
Praz kiepskaje nadvorje ruch vielmi zapavoleny na praśpiekcie Niezaležnaści ad płoščy Niezaležnaści da mietro «Maskoŭskaja». Samyja vialikija zatory «Jandeks.Karty» pakazvajuć u rajonie płoščy Niezaležnaści, Kamaroŭskaha rynka, płoščy Banhałor, a taksama vulic Surhanava, Akademičnaj, Babrujskaj.
Pry hetym zafiksavanyja DTZ na pr. Niezaležnaści la BNTU, vuł. Jakuba Kołasa la pierakryžavańnia z vuł. Čarnyšeŭskaha, na pierasiačeńni vulic Kazłova i Płatonava, Babrujskaj i Leninhradskaj, Tałstoha i Mahiloŭskaj, Aeradromnaj i Vałodźka, Hintaŭta i Haradzieckaj, Prytyckaha i MKAD, pr. Partyzanskaha i MKAD, pr. Partyzanskaha i vuł. Radyjalnaj, a taksama na praśpiekcie Pieramožcaŭ la mietro «Niamiha».
«Jandeks» vykarystoŭvaje 10-balnuju sistemu acenki zatoraŭ, dzie 10 — maksimalnaja zahružanaść daroh. Ale 10 bałaŭ Minska buduć kardynalna adroźnivacca ad 10 bałaŭ, naprykład, Maskvy.
Heta źviazana z roznym usprymańniem darožnaje situacyi karystalnikami ŭ roznych haradach. U Maskvie, naprykład, usie pryzvyčailisia da sapraŭdy pavolnaha trafiku: mašyn šmat, ščylnaść ruchu nadta vialikaja i siaredniaja chutkaść dosyć nizkaja. Tamu 10 bałaŭ tam stavicca tolki ŭ tym vypadku, kali ruch namiortva spynieny. Pa słovach pradstaŭnikoŭ «Jandeksa», takaja składanaja darožnaja situacyja ŭ Minsku nazirajecca «chiba što nie pieršy raz», na našaj ža pamiaci niekatory čas tamu takoje ŭžo zdarałasia.
Supracoŭniki kampanii nazyvajuć dziesiacibalnuju situacyju słovazłučeńniem «chutčej pieššu», heta značyć, što sapraŭdy chutčej dajści pieššu, čym stajać u probcy. U Minsku takich situacyj amal nie byvaje, bo navat pry samych vialikich zatorach pierasoŭvacca pieššu atrymlivajecca ŭsio adno pavolniej.
Budźcie aściarožnyja i ŭvažlivyja!
Čytajcie taksama: «Jak heta pracuje: servis Jandeks.Probki. Repartaž z ofisa «Jandeksa» ŭ Minsku»
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš8
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary