Xiaomi pachvaliłasia pieršym miescam pa prodažach smartfonaŭ u Biełarusi
Siońnia kampanija Xiaomi praviała prezientacyju novych «biezramačnikaŭ» Redmi 5 i Redmi 5 Plus, ale pierad hetym raspaviała pra svaje dasiahnieńni ŭ prodažach smartfonaŭ. Pra heta paviedamlaje GSMArena.
U trecim kvartale 2017 hoda vytvorcy ŭdałosia adhruzić 27,6 miljonaŭ aparataŭ. U hety ž pieryjad hodam raniej adhruzki skłali 13,6 miljonaŭ pryład. Rost u paraŭnańni z 2016 hodam - 102,6%. Zajmanaja dola rynku taksama ŭzrasła z 3,7% da 7,4%.
Dla paraŭnańnia: kampanija Apple pakazała rost za ŭsio ŭ 2,6%. Zajmanaja joj dola rynku nie źmianiłasia (12,5%).
Pradstaŭniki Xiaomi taksama zajavili, što ŭ 14 krainach u trecim kvartale 2017 hoda jany ŭvajšli ŭ top-5 samych pradavanych marak smartfonaŭ.
Cikava, što siarod hetych krain jość i Biełaruś. Pryčym Xiaomi śćviardžaje, što ŭ našaj krainie pa kolkaści pradadzienych pryład (u 3-m kvartale) jany znachodziacca na pieršym miescy.
I heta sapraŭdy tak: jak paćvierdziła krynica, znajomaja sa spravazdačami analityčnaj kampanii Gfk, Xiaomi lidziravała na rynku Biełarusi ŭ trecim kvartale, kali havorka idzie pra kolkaść pradadzienych smartfonaŭ. U hrašovym vymiareńni lidaram u nas była kampanija Samsung.
A moža, usio ž varta, kab Łukašenka ŭdzielničaŭ u pieramovach pa Ukrainie?37
Kamientary