MZS Biełarusi miarkuje, što ŭ infarmacyjnaj «sutyčcy» pamiž rasijskimi i biełaruskimi ŚMI čas pastavić kropku. Pra heta padčas bryfinhu zajaviŭ načalnik upraŭleńnia infarmacyi MZS Dźmitryj Mirončyk, piša Tut.by.
— U luboj palemicy nieabchodna kaliści stavić kropku, asabliva, kali ty ŭpeŭnieny ŭ svajoj racyi. Miarkuju, u hetaj situacyi taksama čas pastavić kropku, — zajaviŭ Dźmitryj Mirončyk. — Nijakich aficyjnych zvarotaŭ u MZS z hetaj nahody nie pastupała.
Nahadajem, na minułym tydni na rasijskim telekanale NTV vyjšaŭ čarhovy vypusk štodzionnaj pieradačy «Miesca sustrečy», u jakim rasijskija palitołahi i ekśpierty vielmi emacyjna abmierkavali žadańnie Biełarusi palepšyć adnosiny ź Jeŭrasajuzam.
Adzin z zaprošanych u studyju haściej nazvaŭ Biełaruś «žonkaj, jakaja 25 hadoŭ ciahnie z Rasii hrošy». Biełaruskija dziaržaŭnyja ŚMI adreahavali amal adrazu: u haziecie «Sovietskaja Biełoruśsija» vyjšła karykatura na pieradaču, a na telekanale ANT vypusk NTV abmierkavali ŭ viačernim tok-šou.
Mienavita padčas jaho staršynia kamisii Pałaty pradstaŭnikoŭ pa adukacyi, kultury i navucy Ihar Marzaluk skazaŭ, što na pieradaču NTV pavinny adreahavać na samym vysokim uzroŭni.
«MZS pavinna dać jasny i kankretny sihnał. Spadaram Norkinym i inšym rastłumačyć, što treba trymać na karotkim pavadku. Jany pavinny stać piersonami non hrata i nikoli nie pierasiakać miežaŭ krainy», — skazaŭ Marzaluk.
Vy nie pavierycie, kim akazaŭsia «vypadkovy» bajanist na vakzale, jaki śpiavaŭ pra Łukašenku22
Kamientary