U Minsku ad kłasnych kiraŭnikoŭ patrabujuć arhanizavać zdaču analizaŭ kału ŭ škołach
Minski piedahoh Jaŭhien Liviant apublikavaŭ u svaim fejsbuk-akaŭncie dva dakumienty, jakija paćviardžajuć, što na kłasnych kiraŭnikoŭ minskich škoł ŭskładzieny abaviazak pa zbory «bijamateryjału» dla prafiłaktyki hielmintozu.
«Ja całkam dapuskaju, što hety manitorynh vielmi važny, ale čamu ŭ škołach, čamu kłasnyja kiraŭniki?» — ekspresiŭna vykazaŭsia nastaŭnik.
«Dla durniaŭ tłumaču i padkazvaju: kožny dzień tysiačy dziaciej zdajuć analizy ŭ paliklinikach — i ŭ suviazi z chvarobaj, i dla atrymańnia daviedki. Prapanuju ŭklučyć hety manitorynh u abaviazkovyja analizy. Heta ž vidavočnaje i prostaje rašeńnie. U paliklinikach ža jość śpiecyjalisty i śpiecyjalnyja miescy dla zachoŭvańnia analizaŭ», — dadaŭ jon.
«A kali maja prapanova źjaŭlajecca durnoju i nierealizabielnaju, to ŭ mianie jość i inšaja, bolš cikavaja: usie analizy kału sa škoł zvazić spačatku va Upraŭleńni adukacyi rajona dla papiaredniaha manitorynhu i sartavańnia, a adtul užo ich centralizavana transpartavać u rajonnyja sanstancyi […] na mašynie kiraŭnika, zrazumieła», — iranizuje Jaŭhien Liviant.
«Dalej budzie tolki bolš». Biełarus-raspracoŭščyk u halinie ŠI, jaki pracuje ŭ Ńju-Jorku, raskazaŭ, što nas čakaje14
Kamientary