Vice-premjer-ministr i ministr kultury i nacyjanalnaj spadčyny Polščy Piotr Hliński zajaŭlaje, što z Ukrainaj było znojdzienaje parazumieńnie ŭ dačynieńni da zakona ab adukacyi va Ukrainie ŭ častcy moŭ nacyjanalnych mienšaściaŭ. Jak pieradaje UNIAN, ab hetym jon skazaŭ na bryfinhu ŭ Kijevie.
«Siońnia, jak tolki što ja daviedaŭsia, było padpisanaje parazumieńnie — zajava kiraŭnikoŭ adukacyjnych viedamstvaŭ paśla vielmi plonnaha vizitu spadaryni ministra Zaleŭskaj va Ukrainu, jaki prajšoŭ na minułym tydni, i dasiahnutaha z ukrainskim bokam uzajemarazumieńnia», — skazaŭ Hliński.
17 kastryčnika ministr adukacyi i navuki Ukrainy Lilija Hrynievič i ministr nacyjanalnaj adukacyi PolščY Hanna Zaleŭskaja zajavili, što budzie padpisanaja dekłaracyja ab harantyjach pradstaŭnikam polskaj mienšaści atrymańnia poŭnaj ahulnaj siaredniaj adukacyi ŭ polskich škołach va Ukrainie na rodnaj movie z paśladoŭnym pavieličeńniem doli pradmietaŭ, jakija vykładajucca na ŭkrainskaj movie.
Nahadajem, 25 vieraśnia prezident Ukrainy Piatro Parašenka padpisaŭ zakon «Ab adukacyi», moŭnyja pałažeńni jakoha (art. 7 ab movie adukacyi ŭ Ukrainie) vyklikali niespakoj Polščy, Rumynii, Vienhryi, Hrecyi, Bałharyi. Novym zakonam va Ukrainie ŭvodzicca 12-hadovaja siaredniaja adukacyja, movaj adukacyjnaha pracesu ŭ navučalnych ustanovach źjaŭlajecca dziaržaŭnaja mova — ukrainskaja. Parašenka daručyŭ Ministerstvu zamiežnych spraŭ i Ministerstvu adukacyi i navuki pravieści pa nahody hetaha zakona nieabchodnyja kansultacyi ź jeŭrapiejskimi partniorami, u pryvatnaści z Radaj Jeŭropy.
Kamientary