Supracoŭniki adździeła kryminalnaha vyšuku Frunzienskaha RUUS stalicy zatrymali 36-hadovuju žančynu, jakaja padazrajecca ŭ ździajśnieńni kradziažu dvuch dziciačych arelaŭ z dvara doma pa vuł. Školnaja, paviedamili ŭ HUUS Minharvykankama.

U milicyju źviarnuŭsia mužčyna i zajaviŭ, što, vychodziačy z padjezda ranicaj na pracu, nie znajšoŭ u dvary doma dvoje dziciačych arelaŭ, jakija nabyvaŭ za svaje hrošy dla dobraŭparadkavańnia.

«U chodzie kompleksu apieratyŭna-vyšukovych mierapryjemstvaŭ było vyjaŭlena, što dziciačyja areli byli vykradzienyja kala paŭnočy, a padazravanaja ŭ ździajśnieńni złačynstva — 36-hadovaja niepracujučaja minčanka, jakaja raniej užo pryciahvałasia da kryminalnaj adkaznaści. Daloka źnieści žaleznyja areli joj nie ŭdałosia, tamu dapamahčy jana paprasiła znajomaha. Paśla žančyna zdała areli na mietałałom, a atrymanyja hrošy patraciła na svaje patreby», — skazała Natalla Askirka.

Zatrymanaj pahražaje pakarańnie ŭ vyhladzie pazbaŭleńnia voli na termin da 3 hadoŭ. U dačynieńni da jaje raspačataja kryminalnaja sprava pa č. 1 art. 205 (kradziež) KK RB.

Клас
0
Панылы сорам
0
Ха-ха
0
Ого
0
Сумна
0
Абуральна
0