Milicyja zatrymała 40-hadovaha minčuka, jakoha padazrajuć u hvałcie nad 6-hadovaj dačkoj. Pra heta raspaviali na telekanale «Biełaruś-1».

Pavodle infarmacyi HUUS, pra toje, što zdaryłasia, dziaŭčynka raspaviała mamie. Taja ŭ svaju čarhu źviarnułasia pa dapamohu da pravaachoŭnikaŭ. Viadoma, što siamja, u jakoj zdaryłasia hvałt, šmatdzietnaja - razam z baćkami žyvuć šeść dziaciej.

«Vyśviatlajecca, na praciahu jakoha času ździajśnialisia hvałtoŭnyja dziejańni, a taksama ci datyčny dadzieny hramadzianin da ździajśnieńnia anałahičnych dziejańniaŭ u dačynieńni da inšych dziaciej. U vypadku, kali vina mužčyny budzie dakazanaja, jamu pahražaje pazbaŭleńnie voli terminam da 15 hadoŭ», - raspaviała aficyjny pradstaŭnik Frunzienskaha RUUS Minharvykankama Natalla Askirka.

Mužčyna pracavaŭ elektramancioram u adnoj ź dziaržaŭnych arhanizacyj. Raniej jon pryciahvaŭsia da kryminalnaja adkaznaści za kradziež.

Ź dziaŭčynkaj pracuje psichołah.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?