U apošnija hady žychary Ispanii, Karybskaha zaliva, Bałtyi i niekatorych inšych rehijonaŭ sutyknulisia ź niezvyčajnymi fienomienami — «kryvavymi daždžami» i čyrvonymi prylivami, jakija mnohija relihijnyja ludzi paličyli prykmietaj chutkaha kanca śvietu. Viadoma, na samaj spravie ničoha zvyšnaturalnaha ŭ ich niama — hetyja anamalii paŭstali ŭ vyniku burnaha razmnažeńnia i ćvicieńnia burych vodaraściaŭ.

«Čyrvonyja prylivy» vielmi niebiaśpiečnyja dla inšych vidaŭ mikrobaŭ, a taksama ryb i ptušak. Heta źviazana z tym, što kałonii hetych mikrobaŭ vydzialajuć brevietaksin, niervova-paralityčnuju atrutu, i šerah inšych niebiaśpiečnych rečyvaŭ. Hetyja rečyvy, jak niadaŭna vyśvietlili navukoŭcy, płankton pačynaje vypracoŭvać tady, kali jamu nie chapaje peŭnych mikraelemientaŭ, vykarystoŭvajučy jaho ŭ jakaści svojeasablivaje «chimičnaje zbroi» dla źniščeńnia kankurentaŭ i masavaha zabojstva patencyjnych krynic hetych rečyvaŭ.

Kali navukoŭcy pazbavili Prorocentrum minimum ich hałoŭnaj ježy — niearhaničnych złučeńniaŭ azotu, jakija traplajuć u vadu moraŭ razam ź minieralnymi ŭhnajeńniami, — vodaraści nie zahinuli, a prosta pieraklučylisia na mačavinu i inšyja arhaničnyja krynicy azotu, jakija źjaŭlajucca śladami žyćciadziejnaści žyvioł abo praduktami raskładańnia ich tkanak i kletak. Padobnyja rečyvy, jak adznačajuć bijołahi, zvyčajna byvajuć taksičnymi dla płanktonu, adnak kletki Prorocentrum minimum navučylisia zamianiać imi nitraty i inšyja «niežyvyja» krynicy azotu.

Клас
0
Панылы сорам
0
Ха-ха
0
Ого
0
Сумна
0
Абуральна
0