Vakalist hurta Linkin Park Čester Beninhtan znojdzieny miortvym u domie ŭ Kalifornii. Pra heta pieršym paviedamiŭ tabłoid TMZ.
Pavodle infarmacyi TMZ, Beninhtan paviesiŭsia. Jamu byŭ 41 hod.
Jak paviedamili krynicy ŭ pravaachoŭnych orhanach, muzykant ranicaj u čaćvier byŭ znojdzieny miortvym u pryvatnaj rezidencyi ŭ Pałas-Vierdes-Estejts u Łos-Andželesie.
***
Paźniej palicyja paćvierdziła infarmacyju pra śmierć śpievaka inšym ŚMI, u tym liku vydańniu Variety i ahienctvu Associated Press. Pra śmierć napisaŭ Fox News.
BREAKING: Linkin Park singer Chester Bennington dies at 41, Los Angeles County coroner says.
TMZ dadaje, što Beninhtan pakončyŭ z saboj u dzień naradžeńnia svajho siabra - lidara hurta Soundgarden Krysa Korneła, jaki pamior 18 traŭnia ŭ adnym z hatelaŭ Detrojta. Sudova-miedycynskija ekśpierty paćvierdzili, što Korneł taksama skončyŭ žyćcio samahubstvam.
Na praciahu mnohich hadoŭ Beninhtan zmahaŭsia z ałkaholnaj i narkatyčnaj zaležnaściu. U śpievaka zastalisia šeść dziaciej ad dźviuch žonak.
Čester Beninhtan naradziŭsia ŭ Finiksie ŭ 1976 hodzie. Muzyčnuju karjeru jon pačaŭ u 17 hadoŭ u hrupie Gray Daze, u ŭ 1997 hodzie staŭ vakalistam u Linkin Park.
Z Linkin Park Beninhtan zapisaŭ siem studyjnych albomaŭ, mnohija ź jakich stali płacinavymi. Apošni ź ich, One More Light, vyjšaŭ u mai hetaha hoda.
U adnym ź intervju jon zajaŭlaŭ, što padumvaŭ pra samahubstva z-za taho, što ŭ dziacinstvie źviedaŭ seksualny hvałt.
Kamientary