Kropku ŭ historyi siamiejnaha žyćcia 94-hadovaha piensijaniera z Mahilova i jaho 56-hadovaj abrańnicy pastaviŭ sud. Aficyjny sajuz hetaj pary praisnavaŭ kala hoda. Adnak dzieciam byłoha vajskoŭca niečakanaje kachańnie baćki padałosia padazronym. Jany nastajali na ekśpiertyzie, jakaja pavinna była rastłumačyć: nakolki pažyły čałaviek uśviedamlaŭ, kali išoŭ da vianca z panienkaj na sorak hadoŭ maładziejšaj?
Z vynikami pravierki aznajomiłasia staršy pamočnik prakurora Mahilova Alena Dubroŭskaja:
— Śpiecyjalisty vyjavili, što na momant šlubu mužčyna byŭ niedziejazdolnym. Paśla ich sajuz pryznany niesapraŭdnym.
Jak paviedamlaje sajt sb.by, i za karotki termin pradprymalnaja «niaviesta» paśpieła atrymać niamała vyhod ad sumiesnaha žyćcia sa svaim mužam. U asabistych metach jana vykarystała ŭsie jaho nazapašvańni, a heta 26 tysiač dalaraŭ plus układ u biełaruskich rublach. Źnikli taksama ŭznaharody i mnohija rečy piensijaniera. Zatoje ŭ jaho domie paśpieŭ pasialicca biespracoŭny syn novaj haspadyni. Ciapier mamie i jaje darosłamu synu pryjdziecca šukać sabie novaje miesca žycharstva — jak vyśvietliłasia, ułasnaj kvatery ŭ «niaviesty» niama.
Kamientary