Bolšaść rasiejcaŭ uchvaliła ŭstanoŭku pomnikaŭ Stalinu, jakija raspaviadali b ab jaho pośpiechach, pry hetym hałoŭnym arhumientam dla vybaru takoha adkazu staŭ dovad pra zachavańnie histaryčnaj praŭdy, paviedamlaje rbc.ru.
Bolš za pałovu rasiejcaŭ (62%) zhodny z tym, što doški, biusty i inšyja atrybuty, jakija raspaviadajuć ab pośpiechach Iosifa Stalina, treba raźmiaščać u publičnych miescach. Pry hetym 65% hramadzian suprać ustanoŭki znakaŭ, jakija nahadvajuć pra jaho złačynstvy. Pra heta śviedčać vyniki apytańnia UCVHD.
Pa dadzienych apytańnia, 31% respandentaŭ vykazaŭsia suprać ustanoŭki pomnikaŭ ab pośpiechach Stalina, nie zmahli adkazać 7% apytanych. Pry hetym bolš aktyŭna «za» vykazvajecca moładź: ustanoŭku padtrymali 77% maładych ludziej (18—24 hady), siarod pažyłych ludziej (60 hadoŭ i bolej) pahadzilisia sa śćvierdžańniem 63%.
Ź inšaha boku, 65% hramadzian suprać ustanoŭki znakaŭ, jakija raskazvajuć ab jaho niaŭdačach i złačynstvach. 28% apytanych padtrymali ŭstanoŭku takich atrybutaŭ, 7% taksama nie zmahli adkazać. Bolš za inšych suprać raźmiaščeńnia pomnikaŭ — ludzi va ŭzroście 25—34 hady (70%).
Sacyjołahi adznačajuć, što hałoŭnym matyvam zhody z ustanoŭkaj atrybutaŭ, jakija źmiaščajuć tuju ci inšuju infarmacyju ab Stalinie, staŭ dovad ab zachavańni histaryčnaj praŭdy. Siarod tych apytanych, chto padtrymaŭ raźmiaščeńnie znakaŭ ab pośpiechach byłoha kiraŭnika SSSR, bolšaść (57%) prahałasavała za toje, što «ludzi pavinny viedać usiu praŭdu». Anałahičny adkaz vybrała bolšaść (39%) tych respandentaŭ, chto vykazaŭsia za raźmiaščeńnie znakaŭ ab złačynstvach i niaŭdačach Stalina.
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju4
Kamientary