Estonija admaŭlajecca ad savieckaj sistemy raźliku vyšyń — usie hory «padrastuć»
Estonija admovicca ad vykarystańnia pryniataj u SSSR u 1977 hodzie Bałtyjskaj sistemy vyšyń, adlik jakich viadziecca ad nula Kranštackaha futštoka. Jak i astatnija krainy Jeŭropy, Estonija pačnie vymiarać absalutnyja vyšyni, zychodziačy z pryniataha ŭ 1879 u Niderłandach nulavoha ŭzroŭniu vyšyń — adznaki ŭ centry Amsterdama na vyšyni 9 futaŭ 5 calaŭ nad uzroŭniem mora.
Ministr navakolnaha asiarodździa Sijm Kijśler padpisaŭ papraŭki da pastanovy ŭrada ab hieadezičnaj sistemie, na padstavie jakich u Estonii, jak i ŭ inšych krainach Jeŭropy, absalutnyja vyšyni buduć raźličvajecca na padstavie dadzienych Amsterdamskaha futštoka.
Ministr navakolnaha asiarodździa Sijm Kijśler rastłumačyŭ: «Pierachod ad Bałtyjskaj sistemy vyšyń, pryviazanaj da Kranštackaha futštoka, pryviadzie, u zaležnaści ad rehijona, da pavyšeńnia adznaki vyšyń na 15—24 santymietraŭ. Naprykład, vyšynia samaj vysokaj u Estonii i ŭ krainach Bałtyi hory Suur-Munamiahi (Suur-Munamagi), aficyjnaja vyšynia jakoj zaraz składaje 317,2 mietra, u novaj sistemie vymiareńnia vyšyń składzie 317,4 mietra».
Pierachod na jeŭrapiejskuju sistemu vyšyń u Estonii adbudziecca na praciahu troch miesiacaŭ. Budaŭničyja prajekty, pačatyja da 1 studzienia 2018 hoda, možna budzie davieści da kanca ŭ jašče staroj sistemie raźliku vyšyń.
Siłaviki ŭzialisia za karystalnikaŭ tvitara — dziasiatki akaŭntaŭ zvyčajnych biełarusaŭ stali «ekstremisckimi»10
Kamientary