Śviet1010

Prync Uiljam z Kiejt i dziećmi prybyŭ ź vizitam u Polšču FOTY

Hiercah i hiercahinia Kiembrydžskija ź dziećmi — pryncam Džordžam i pryncesaj Šarłotaj — prybyli ŭ Varšavu, adkul pačynajecca ich piacidzionnaja aficyjnaja pajezdka ŭ Polšču i Hiermaniju.

Trochhadovy prync Džordž i dvuchhadovaja pryncesa Šarłota ŭžo supravadžali baćkoŭ padčas ich vizitu ŭ Kanadu. Ale dla ich heta pieršaja aficyjnaja pajezdka ŭ Jeŭropu, paviedamlaje VVS.

Tut i nižej fota: JERA

«Hiercah i hiercahinia vielmi čakali hetaj pajezdki i zachoplenyja vydatnaj i raznastajnaj prahramaj vizitu», — paviedamiŭ pres-sakratar Kiensinhtanskaha pałaca.

Dla prynca Džordža i pryncesy Šarłoty takaja pajezdka ŭ navinku, ale ŭ budučyni dla ich jany pavinny stać zvykłymi.

Što tyčycca hiercaha i hiercahini, to ich pajezdka ŭ Polšču i Hiermaniju budzie niepaźbiežna razhladacca ŭ kantekście «breksitu». Hetaje turne nijak nie moža paŭpłyvać na chod pieramoŭ pa vychadzie Brytanii ź ES. Adnak, jak spadziajecca Foryn-ofis, jano nahadaje krainam pra ciesnyja suviazi, jakija isnujuć pamiž krainami, i nieabchodnaść ich zachavańnia i paśla «breksitu». Hetaja taja misija, jakaja ŭskładajecca na členaŭ karaleŭskaj siamji i jakuju jany vykonvajuć, naviedvajučy roznyja jeŭrapiejskija harady.

U Kancylaryi prezidenta Polščy adznačyli, što pryjezd hiercaha i hiercahini Kiembrydžskich paćviardžaje ahulnuju pavahu i siabroŭstva abiedźviuch dziaržaŭ, paviedamlaje Radyjo Polšča.

Paśla sumiesnaha łanču z prezidentam Polščy Andžejem Dudam i jaho žonkaj, členy brytanskaj karaleŭskaj siamji adpravilisia na karotki špacyr pa vulicy Krakaŭskaje pradmieście, adaŭšy mahčymaść varšaviakam ubačyć prynca Uiljama i pryncesu Kiejt na svaje vočy.

RAR

Paśla špacyru vysokija hości adpravilisia ŭ Muziej Varšaŭskaha paŭstańnia.

Uviečary adbudziecca ŭračysty pryjom, pryśviečany niadaŭniamu jubileju karalevy Vialikabrytanii, na jakim prync Uiljam vystupić z pramovaj. U aŭtorak hości naviedajuć Hdańsk, a taksama muziej na terytoryi byłoha niamieckaha nacysckaha kancłahiera «Štuthaf».

Kamientary10

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ1

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Usie naviny →
Usie naviny

U Kalinkavičach u 40 hadoŭ pamior praparščyk patrulna-pastavoj słužby 

Eduardu Babaryku dadali paŭtara hoda źniavoleńnia2

Bajden nazvaŭ vice-prezidenta Charys Trampam. Toj rezka adreahavaŭ1

Milinkievič raskazaŭ, što biełarusy mohuć dać Jeŭropie8

Razhramili kvateru byłoha viadučaha ANT Ivana Padreza11

Siamiejnuju paru rasijan zatrymali ŭ Aŭstralii pa padazreńni ŭ špijanažy

Šmatdzietnaj maci dali 6 hadoŭ kałonii pa 6 artykułach. Syn-padletak ź invalidnaściu čakaje jaje na voli7

Pamior biełaruski saksafanist Vital Jamuciejeŭ

Kałumbijski fanat, jaki ŭdaryŭ lidara zbornaj Uruhvaja Nuńjesa, vyjaviŭsia śviatarom FOTAFAKT2

bolš čytanych navin
bolš łajkanych navin

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ1

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Hałoŭnaje
Usie naviny →