Usiaho patrochu2626

Top-10 niezvyčajnych fobij, charakternych i niecharakternych dla biełarusaŭ

Čaho tolki nie bajacca ludzi! Ciapier navat ciažka padličyć kolkaść strachaŭ, na jakija pakutujuć ludzi pa ŭsim śviecie i jakim navukoŭcy dali admysłovuju nazvu. Ale adno možna skazać dakładna — lik idzie na tysiačy. My ž padabrali dla vas dźvie žartaŭlivyja piaciorki fobij, najbolš charakternych i niecharakternych dla biełarusaŭ. Pajechali!

fota Siarhieja Hudzilina

Piać fobij, charakternych dla biełarusaŭ

1. Akulturafobija

Bojaź asimilacyi, abo strach pierad tym, što čužaja kultura apyniecca macniejšaj za ŭłasnuju. Chraničnaja fobija nacyjanalistaŭ usich krain. Siarod našych blizkich susiedziaŭ asabliva charakternaja dla Ukrainy, ale i ŭ Biełarusi taksama maje šyrokaje raspaŭsiudžańnie.

2. Ziemifobija

Bojaź kratoŭ — fobija, jakaja časta sustrakajecca siarod sielskaha nasielnictva. Čałaviek, jaki pakutuje na ziemijafobiju, zaŭvažyŭšy krata, jaki vyłazić z-pad ziamli, adrazu bje pa im rydloŭkaj. Apošnim časam rydloŭka čaściej zamianiajecca roznymi chimičnymi supraćkratovymi rečyvami.

3. Chrematafobija

Hety vid fobii taksama moža być charakterny dla niekatorych biełarusaŭ. Niadaŭna paviedamlałasia, što amal 70% vakansij prapanujuć zarobak, nižejšy za 465 rubloŭ. Uličvajučy, što bolšaść ludziej zadavolenyja nizkimi zarobkami, možna zrabić vysnovu, što niekatoryja ź biełarusaŭ pakutujuć na chrematafobiju — bojaź dotyku da hrošaj.

4. Nieafobija

Nieafobija — bojaź usiaho novaha. Mahčyma (ale nie dakładna), bolšaść ludziej u Biełarusi pakutujuć na hetuju fobiju. Pa niekatorych źviestkach, u 2006 hodzie bajalisia novaha 79,65% paŭnahadovych žycharoŭ krainy, a ŭ 2015-m hetaja ličba skłała ŭžo 83,49%.

5. Chramatafobija

Bojaź koleraŭ i pafarbavanych u ich pradmietaŭ. Z kožnym hodam hetaja fobija stanovicca ŭsio mienš charakternaj dla biełarusaŭ, jakija atrymali jaje jak savieckuju spadčynu. Prynamsi, u Minsku architektary heta zrazumieli i ŭžo nie bajacca farbavać budynki ŭ jaskravyja kolery. Ale zamiežnikaŭ usio jašče ździŭlajuć našyja šeryja harady.

Piać fobij, nie charakternych dla biełarusaŭ

1. Vinafobija

Vinafobija — bojaź pić vino i ŭvohule ahida da jaho. Nas heta nie tyčycca. Asablivym popytam karystajecca pładova-jahadnaje.

2. Hnazijafobija

Bojaź viedaŭ i paznańnia. Praha biełarusaŭ atrymać vyšejšuju adukacyju nastolki niepieraadolnaja, što ŭniviersitety štampujuć vypusknikoŭ stolki, kolki ekanomika navat nie patrabuje. U vyniku šmat kamu potym ciažka znajści pracu, prynamsi z dobraj apłataj. Ale pahadziciesia, kudy bolš pryjemna pracavać u bryhadzie restarana, majučy adukacyju inžyniera-budaŭnika abo śpiecyjalista pa padatkach i sborach, čym nie mieć jaje naohuł!

3. Rypafobija

Bojaź brudu i niečystotaŭ. Pabyvaŭšy ŭ hramadskich prybiralniach, razumieješ, što rypafobija biełarusaŭ nie zakranuła.

4. Psichrafobija

Bojaź chołada i pieraachaładžeńnia taksama nie ŭłaścivaja biełarusam. Byvaje, padazronyja asoby ŭ šortach źjaŭlajucca ŭ mietro raniej za pieršyja praleski ŭ lesie.

5. Radyjafobija

Avaryja na Čarnobylskaj AES sparadziła adsutnaść bojazi radyjacyi ŭ našych ludziej. Na Kamaroŭcy časam pradukcyja nie prachodzić radyjacyjny kantrol, kiraŭnik krainy prapanuje vykarystoŭvać zabrudžanyja pali, a ludzi nie hrebujuć źbirańniem čarnicaŭ pamieram ź ślivu.

A čaho baiciesia vy? Dzialiciesia svaimi fobijami ŭ kamientarach.

Kamientary26

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie8

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie

Usie naviny →
Usie naviny

Paŭłu Vabiščeviču, jakoha abvinavacili nibyta ŭ sprobie padryvu pasažyrskaha ciahnika, dali 23 hady kałonii3

EPAM i Wargaming zapłacili samyja vialikija padatki siarod usich litoŭskich IT-kampanij10

Śpiecpradstaŭnik ZŠA: Sankcyi suprać Rasii pracujuć «na 3 bały z 10», ich možna ŭzmacnić14

Biełaruskuju dobraachvotnicu Maryju Zajcavu pachavali na mohiłkach u Kijevie FOTA3

Va Uruččy pabudujuć čatyry šmatpaviarchoviki4

Miły sabaka na zapraŭcy, što radujecca lubomu čałavieku, skaraje sacsietki18

ZVR Biełarusi dasiahnuli 9 miljardaŭ dalaraŭ7

Jak telešou dapamahli źnizić kolkaść razvodaŭ u Paŭdniovaj Karei3

Anastasija Niufier z ZŠA, vyzvalenaja ŭ Biełarusi ŭ dzień vybaraŭ, apublikavała pieršaje fota1

bolš čytanych navin
bolš łajkanych navin

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie8

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie

Hałoŭnaje
Usie naviny →

Zaŭvaha:

 

 

 

 

Zakryć Paviedamić