Usiaho patrochu6666

Viktar Kalina: «Maju knihu redahavała Śviatłana Aleksijevič za $300». Aleksijevič: «Hłupstva niesuśvietnaje!»

Śpiavak Viktar Kalina apošnim časam «łović chajp» — stvaraje šumichu na pustym miescy. Viadomy svaimi razborkami ŭ sacsietkach šansańje znoŭ abražaje svaich apanientaŭ — na hety raz u fejsbuku. Ale ž heta jašče nie ŭsio. Kalina śćviardžaje: karekturu jaho knihi «Hienierały dvaroŭ» rabiła sama Śviatłana Aleksijevič!

«Niedanosak. Ciabie padmanuli»

Niekalki tydniaŭ tamu źjavilisia naviny, što ŭ biełaruskaha śpievaka Viktara Kaliny admianiajuć kancerty pa ŭsioj krainie. «Šansańje» aburyŭsia — maŭlaŭ, heta niapraŭda! — i pierajšoŭ da abraz. Praŭda, pakul što tolki ŭ internecie.

Viktar Kalina.

Tradycyjna pad razdaču trapiŭ błohier Anton Matolka.

I nie tolki jon.

Pryčym heta ŭžo nie pieršy raz, kali šansańje adpalvaje ŭ sacsietkach. U sakaviku ŭ supołcy Maładziečanskaha DK, u jakim mieŭsia adbycca kancert Kaliny, pačałosia abmierkavańnie tvorčaści śpievaka.

«Jakaja hańba dla DK i dla ludziej, jakija źbirajucca naviedać hetyja błatnyja zładziejskija skoki!» — pisali maładziečancy.

Paśla čaho ŭ kamienty pryjšoŭ sam Kalina i pačaŭ tłumačyć, jak treba siabie pavodzić:

«Natalla, ty b nie ***! A prosta maje pieśni pasłuchała! Tak ty svaje «hrošy» i nie davaj! Prosta nie chadzi! Idzi ŭ cyrk!».

«Maksim, nu ty pryjdzi i prosta pa-mužčynsku pahavary sa mnoj. Rastłumač pra schodki i inšaje. Moža, čymści zmožaš uzbahacić moj unutrany śviet. Niahodnikam być prosta i vielmi składana zastacca čałaviekam!» — raiŭ śpiavak.

Paźniej, praŭda, Kalina zrabiŭ vyhlad, što zamiest jaho kamientary pakidaŭ administratar. Paźniej pradstaŭniki supołki DK prybrali najbolš vohniennyja kamientary. Ale ž keš huhła ŭsio pamiataje.

Viktar Kalina pahavaryŭ z «Našaj Nivaj» pra svaje pavodziny ŭ siecivie.

Pa słovach śpievaka, u jaho jość dobraachvotnyja pamočniki, jakija zajmajucca jaho internet-supołkami. Ale ŭ fejsbuk im zachodzić zabaroniena — im karystajecca tolki sam Kalina. Ale ž usie skrynšoty vyšej — jakraz z fejsbuku.

«Ja nie chamlu. Ja adkazvaju — nu, byvaje žorstka. A kali ja štości tam i skazaŭ, to heta było na majoj staroncy, — patłumačyŭ Viktar Kalina. — Pa čužych staronkach ja nie chadžu».

Što tyčycca abraz u asabistyja paviedamleńni, to, pryznajecca Kalina, tam «možna i narvacca».

Karektura za $300 ad budučaj nabielijatki?

Ale ž svarki ŭ sacsietkach — heta jašče kvietački. 12 lipienia Viktar Kalina padzialiŭsia ŭ svaim fejsbuku zusim dziŭnaj historyjaj.

Pa słovach Kaliny, jaho knihu «Hienierały dvaroŭ» u 2006 hodzie nibyta adredahavała sama Śviatłana Aleksijevič. Uziała za heta piśmieńnica 300 dalaraŭ — «bo ŭ jaje byŭ ciažki pieryjad, jana padpracoŭvała knihami pa kulinaryi i viazańni», zapeŭniŭ śpiavak.

U kamientary «Našaj Nivie» Viktar Kalina paŭtaryŭ historyju. Jon pierakanany, što Aleksijevič pracavała nad jaho knihaj u lutym 2006 hoda.

«Jana ŭ toj čas pisała niejkija brašury pa kulinaryi, jakija pradavalisia ŭ kijoskach. A ja prynios svaju knihu, kab vypravić pamyłki: papravić hramatyku. U mianie ŭ škole pa movie było 3 ci 4, a pa litaratury — 5 z tryma plusami. Litaraturnaja apracoŭka mnie nie była patrebnaja, patrebien byŭ karektar, — paviedamiŭ Kalina. — Dyk Aleksijevič pačała mianie pavučać, raskazvać, jak treba pisać, raskazvać, što jaje aburyła ŭ majoj knizie… Dyk ja kažu: chvilinku, ja pryjšoŭ papravić pamyłki — dyk vy papraŭcie pamyłki, atrymajcie svaje 280 dalaraŭ i tusujciesia tam sabie! Mnie nie patrebny nastaŭnik litaratury!»

«Naša Niva» vyrašyła spraŭdzić hetuju historyju ŭ samoj Śviatłany Aleksijevič.

«Hłupstva niesuśvietnaje, — raśśmiajałasia piśmieńnica. — Hetaj historyi nie było i być nie mahło. Chiba što, moža, jon piša takoje pra mianie dla samapijaru».

* * *

Viktar Kalina — śpiavak, vystupaje ŭ tak zvanym žanry «ruskaha šansonu». Naradziŭsia ŭ siamji biełarusaŭ u Kazachstanie. Raniej Kalina zajmaŭsia biznesam u Biełarusi, ale ŭ 2007 hodzie jaho i žonku Śviatłanu asudzili za machlarstva ŭ asabliva bujnym pamiery: jon zastrachavaŭ svoj «Miersiedes» na $34 tysiačy, a paśla imitavaŭ kradziež mašyny (nasamreč aŭto śpiavak pradaŭ). Kalina atrymaŭ 5,5 hoda źniavoleńnia, žonka — 4,5 hoda, praŭda, užo u 2009 hodzie aboje vyjšli pa amnistyi.

Siońnia Kalina žyvie ŭ Rasii, u Biełaruś pryjazdžaje tolki z kancertami. Pad Smalenskam u jaho chutar «Kalinava dalina», jaki ŭpryhožvajuć ściahi Rasii, Biełarusi, «DNR» i «Navarosii».

Kalina viadomy svajoj padtrymkaj sieparatystaŭ Danbasa — jon nie raz jeździŭ u «DNR», dzie jamu navat uručyli miascovyja ŭznaharody.

Kamientary66

Voś čamu ŭ Kitai mohuć prysłuchoŭvacca da Polščy14

Voś čamu ŭ Kitai mohuć prysłuchoŭvacca da Polščy

Usie naviny →
Usie naviny

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie8

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom4

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?

Pres-sakratar polskaha MZS pra adnosiny ź Biełaruśsiu: Čakajem pieršaha realnaha kroku ź biełaruskaha boku8

bolš čytanych navin
bolš łajkanych navin

Voś čamu ŭ Kitai mohuć prysłuchoŭvacca da Polščy14

Voś čamu ŭ Kitai mohuć prysłuchoŭvacca da Polščy

Hałoŭnaje
Usie naviny →