Pačynajučy z 13 lipienia, usie palaki abaviazanyja paviedamlać ab złačynstvach u adnosinach da dziaciej. Ciapier heta jurydyčnaja abaviazak. Siońnia ŭstupili ŭ siłu papraŭki da Kryminalnaha kodeksa, jakija robiać bolš žorstkimi pakarańni za žorstkaje abychodžańnie ź dziećmi, a taksama praduhledžvajuć kryminalnuju adkaznaść za niedaniasieńnie ab takich vypadkach, paviedamlaje Radyjo Polšča.

Inicyjataram źmien staŭ dziciačy ambudsmen. Marek Michalak padkreśliŭ, što ciapier u vypadkach, kali čałaviek stanovicca śviedkam złačynstva ŭ adnosinach da dziaciej, jon budzie pavinien kiravacca nie tolki maralnymi pryncypami, ale i jurydyčnym abaviazacielstvam paviedamlać pra ŭbačanaje.

«Heta pavinna być aŭtamatyčnaja reakcyja. Kali dzicia kryŭdziać — treba nieadkładna reahavać. Heta narmalnaje staŭleńnie dobraprystojnaha čałavieka, jaki nie kaža, što heta nie jaho sprava i nie advaročvajecca, kali bačyć padobnaje, ale źviartajecca ŭ adpaviednyja instancyi. Pieršaj takoj instancyjaj źjaŭlajecca palicyja, jakaja abaviazanaja reahavać nieadkładna», — adznačyŭ ambudsmen.

Zhodna papraŭkami, za niedaniasieńnie ab złačynstvach suprać dziciaci praduhledžanaje pakarańnie ŭ vyhladzie pazbaŭleńnia voli da troch hadoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?