Hramadstva1010

Ci patracili hrošy «darmajedaŭ» na dziaciej?

U sakaviku Łukašenka abiacaje, što ŭsie hrošy, jakija byli sabranyja praz «dekret ab darmajedach», pavinny zastacca ŭ rajonych biudžetach i być nakiravanyja vyklučna na dziaciej. A kožny kiraŭnik rajona na siesii rajonnych i haradskich savietaŭ pavinien dać spravazdaču nakont hetych hrošaj.

Na minułym tydni namieśnik ministra pa padatkach i zborach Śviatłana Šaŭčenka paviedamlaje, što padatkovyja pačali viartać hrošy «darmajedam». Što praŭda, u padatkovych pra hetaje nie viedajuć. A ci sapraŭdy hrošy ad padatka pajšli na dziaciej? Voś jakija adkazy Jeŭraradyjo atrymała ŭ rajonach.

Krupski vykankam, Julija Kamarova, namieśnica staršyni pa ekanomicy:

«U našym rajonie 87 čałaviek zapłacili zbor, atrymałasia kala 23 tysiač rubloŭ. Usie pavinny byli nakiravacca na škoły, tamu što prachodziać pa sacyjalnym artykule biudžetu. Ale my pakul ich nikudy nie tracili, tamu što ciapier ža akazałasia, što ich treba budzie viartać, tym chto pracaŭładkavaŭsia ŭ 2017 hodzie. Ciapier u nas byccam by ŭ padatkovaj lažyć adna zajava na viartańnie hrošaj, ale my pakul nie možam na jaje adkazać, tamu što ŭ nas niama instrukcyi ab tym, jak heta viartać, na padstavie čaho».

Smarhonski vykankam, Hienadź Charužy, staršynia vykankama:

«U nas na rajonie Dekret zusim nie šmat čałaviek zakranuŭ, dzieści piać čałaviek, bolš-mienš dobraja abstanoŭka. A tut jašče litaralna tydzień tamu navina ab viartańni hetych hrošaj, i našy śpiecyjalisty ciapier pracujuć nad hetym».

Žłobinski vykankam, Alaksandr Makiejeŭ, načalnik adździeła finansaŭ:

«Ahulnaja suma zboraŭ u Žłobinskim rajonie - 98 tysiač rubloŭ. Ale sprava ŭ tym, što na dziaciej hetyja hrošy nie pojduć. Vyjšaŭ ž novy dakumient prezidenta, dzie hetyja hrošy treba viarnuć (na samoj spravie, nijakaha dakumienta pakul niama, - Jeŭraradyjo). Tyja hrošy, što my atrymali ad ludziej, pajšli ŭ biudžet, i byli raźmierkavanyja na finansavańnie raschodaŭ, jany ž tam źmiešvajucca, i tamu pajšli na finansavańnie achovy zdaroŭja, adukacyi. A tak, kankretna na niešta adno jano nie išło».

Brescki vykankam, Ihar Łabada, načalnik adździeła ekanomiki:

«Ja nie maju infarmacyi nakont hrošaj sa zboraŭ dekreta №3. A navat kali b jana ŭ mianie i była, ja b vam jaje ŭsio roŭna nie skazaŭ «.

U Minskim, Homielskim, Ašmianskim rajonach navat nie viedajuć pra ŭkazańnie kiraŭnika krainy nakiravać hrošy «darmajedaŭ» dzieciam: «Telefanujcie ŭ padatkovuju, my hetym nie zajmajemsia i ničoha pra heta nie viedajem».

Zbor «za darmajedstva» zapłacili 51,6 tysiačy čałaviek. Usiaho biudžet atrymaŭ ad «darmajedaŭ» užo 15,6 miljona rubloŭ. Paviedamleńni na vypłatu zboru atrymali bolš za 470 tysiač čałaviek.

Kamientary10

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?16

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Usie naviny →
Usie naviny

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

Na biełaruska-litoŭskaj miažy upieršyniu za doŭhi čas źjaviłasia čarha z aŭtobusaŭ1

Ryžankoŭ: Biełaruś hatova da dyjałohu z Polščaj pa situacyi na miažy20

U załatoj bucy na Jeŭra-2024 adrazu niekalki ŭładalnikaŭ

Jak adroźnivajucca ŭmovy pracy dla IP u Biełarusi i Litvie? 1

Anioł Śmierci. Historyja biełaruski, jakaja paviedamlaje rodnym zahinułych kalinoŭcaŭ pra ich hibiel3

Arhiencina vyjhrała Kubak Amieryki pa futbole — i heta taksama rekord

Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask32

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

bolš čytanych navin
bolš łajkanych navin

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?16

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Hałoŭnaje
Usie naviny →