Naśpiavaje važnaja sacyjalnaja reforma? Deputaty chočuć, kab dzieci nieśli bolšuju adkaznaść za sastarełych baćkoŭ
Parłamientaryi hatovy vystupić ź inicyjatyvaj ab uzmacnieńni adkaznaści darosłych dziaciej za svaich sastarełych baćkoŭ. Pra heta paviedamiła člen Pastajannaj kamisii Pałaty pradstaŭnikoŭ pa pracy i sacyjalnych pytańniach Taćciana Starynskaja siońnia na pres-kanfierencyi «Navacyi ŭ sistemie sacyjalnaha absłuhoŭvańnia Biełarusi» ŭ pres-centry BiełTA.
«Tyja, chto pryjšoŭ u parłamient z sacyjalnaj słužby, hatovy ŭnieści inicyjatyvu ab tym, jak pavysić adkaznaść pracazdolnych dziaciej pa dohladzie sastarełych baćkoŭ, — skazała Taćciana Starynskaja. — Pa zakonie jany pavinny dahladać svaich baćkoŭ. Ale byvaje, što dzieci prosta pryvoziać stałaha čałavieka ŭ centr sacabsłuhoŭvańnia i kažuć, maŭlaŭ, rabicie, što chočacie, vy — sacyjalnaja słužba i vy pavinny, i heta pry tym, što košt sacyjalnych pasłuh vielmi nizki».
Namieśnik ministra pracy i sacyjalnaj abarony Alaksandr Rumak prainfarmavaŭ, što košt hadzinnaha taryfu na pasłuhi, jakija ŭvachodziać u pieralik biaspłatnych i ahulnadastupnych, składaje da 50 kapiejek. Umovy akazańnia sacyjalnych pasłuh doma zaležać ad siamiejnaha i materyjalnaha stanovišča atrymalnika. Biaspłatna pasłuhi pradastaŭlajucca tolki adzinokim małazabiaśpiečanym ludziam. Niepracazdolnym, jakija majuć členaŭ siamji, abaviazanych pa zakonie ich utrymlivać, pasłuhi akazvajuć na ŭmovach apłaty.
-
$1.000.000 za ŭvachod na cyrymoniju i pjanka z «dobrymi ruskimi» — Prakopjeŭ raskazaŭ pra svoj dzień inaŭhuracyi Trampa ŭ Vašynhtonie
-
U Lepieli za «ekstremizm» sudzili žančynu, jakaja słužyć u vojsku
-
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?18
Kamientary