Pra toje, što frahmient «Pieršaj knihi Carstvaŭ», pražskaha vydańnia Francyska Skaryny, prapaŭ, paviedamiŭ namieśnik dyrektara Nacyjanalnaj biblijateki Biełarusi Aleś Suša.
«Najbolšym rasčaravańniem u Ńju-Jorku było daznacca, što frahmient vydańnia Skaryny, jaki zachoŭvaŭsia ŭ Ńju-Jorkskaj publičnaj biblijatecy, «zhubiŭsia» i jaho nijak nie mohuć znajści ŭžo šmat hadoŭ. Zdarajecca takoje navat u najbujniejšych biblijatekach śvietu… — napisaŭ niekalki dzion tamu z svaim fejsbuku Suša. — U elektronnym katałohu ja daŭno bačyŭ, što dakumient nie vydajecca. A ŭčora mieŭ sustrečy z čatyrma supracoŭnikami Ńju-Jorkskaj publičnaj biblijateki, u tym liku adździeła redkich knih. U doŭhich razmovach jany tolki razvodzili rukami… I navat kopii niami: ni mikrafilma, ni fotakopii».
Historyju prakamientavaŭ biblijatekar adździeła śpiecyjalnych kalekcyj Ńju-Jorkskaj publičnaj biblijateki Lavon Jurevič.
«Pa-ščyraści, heta była niepryjemnaja niespadziavanka dla mianie, bo napiaredadni listavalisia z sp. Sušam, i ja byŭ napisaŭ, što, kab pahladzieć Skarynu, treba zaraniej damaŭlacca: u adździeł redkaj knihi tak z vulicy nie zojdzieš. Ja i paniaćcia nie mieŭ, što Skaryny niama — a tym bolej i mikrafilma (heta zusim roznyja adździeły). Viadoma, zdarajecca, što kniha ci mikrafilm byli vypadkova pastaŭleny ŭ nieadpaviednaje miesca, i tady chiba vypadkova možna ich znajści, prosta narvaŭšysia, ale kab z redkaj knihi… - paviedamiŭ «Našaj Nivie» Jurevič. — Kali źnikła — chto ž tut skaža. Całkam mahčyma, što kali byŭ skasavany Słavianski adździeł, i knihi pieravodzilisia — što ŭ General Research Division (ahulny i najvialikšy), a što ŭ «Redkija knihi».
Ale heta była nie kniha, padkreśliŭ Jurevič, a frahmient: try staronki z Knihi Carstvaŭ, 1518 hoda.
«Spadziajusia, heta ŭsio ž prosta prykraja niadbajnaść, i Skaryna znojdziecca», — dadaŭ Lavon Jurevič.
-
Ščadroŭku z Homielščyny viedajuć miljony ludziej pa ŭsim śviecie. U samoj Biełarusi pra jaje mała chto čuŭ
-
U čatyroch polskich haradach adbudziecca sinchronny fiestyval salidarnaści i kultury Belarus Outside Sound System
-
Reniesansny šedeŭr z Halšanaŭ nabyŭ novy vyhlad. Tak jon moh vyhladać čatyry stahodździ tamu
Kavid zabraŭ u Biełarusi 90 tysiač žyćciaŭ, a nie 7 tysiač, jak śćviardžali ŭłady14
Kamientary