Ukraina ŭvodzić bijamietryčny kantrol dla ŭsich hramadzian, jakija pierasiakajuć miežy krainy. Pra heta abviaściŭ na pasiadžeńni Rady nacyjanalnaj biaśpieki i abarony (RNBA) prezident Ukrainy Piatro Parašenka.
«Havorka idzie pra ŭzmacnieńnie kantrolu za ŭjezdam i vyjezdam i znachodžańniem hramadzian inšych dziaržaŭ na terytoryi Ukrainy», - skazaŭ Parašenka, dadaŭšy, što takaja miera «ŭzmocnić mahčymaści dla baraćby z teraryzmam».
Havorka, rastłumačyŭ prezident Ukrainy, idzie pra zbor takich bijamietryčnych dadzienych, jak ličbavaja fatahrafija i adbitki palcaŭ.
Dakumienty dla ŭviadzieńnia bijamietryčnaha kantrolu na miažy ŭžo raspracavany profilnymi viedamstvami, dadaŭ jon.
Dakładnuju datu ŭviadzieńnia zboru bijamietryčnych dadzienych Parašenka nie nazvaŭ, zajaviŭšy tolki, što na padrychtoŭku budzie adviedziena «nieabchodnaja kolkaść času».
Kamientary