Muzyka22

Adkryćcio «Kłasiki kala Ratušy z Vełkomam»: jubilej arkiestra i samaje masavaje sełfi

8 lipienia na placoŭcy pierad Minskaj haradskoj ratušaj adbyłosia ŭračystaje adkryćcio fiestyvalu «Kłasika kala Ratušy z Vełkomam». Kala 8 tysiač čałaviek naviedali pieršy z vaśmi zapłanavanych kancertaŭ i paŭdzielničali ŭ stvareńni samaha masavaha sełfi ŭ Biełarusi.

Kancert «Stahodździe ŭ kłasicy» adkryŭ adzin z samych zasłužanych kalektyvaŭ krainy — Dziaržaŭny akademičny simfaničny arkiestr Respubliki Biełaruś pad kiraŭnictvam hałoŭnaha dyryžora Alaksandra Anisimava. U hetym hodzie arkiestr adznačaje svajo 90-hodździe. Pasłuchać pieršy kancert treciaha siezona fiestyvalu «Kłasika kala Ratušy z Vełkomam» i skarystacca mahčymaściu pavinšavać kalektyŭ z dniom naradžeńnia sabrałasia kala 8 tysiač čałaviek. Jany ž stali ŭdzielnikami samaha masavaha sełfi ŭ Biełarusi.

Kiravaŭ dziejstvam, jak i ŭsim muzyčnym viečaram, hałoŭny dyryžor Dziaržaŭnaha akademičnaha simfaničnaha arkiestra Respubliki Biełaruś Alaksandr Anisimaŭ. Pad zasłonu viečara, kali prahučali nieśmiarotnyja šedeŭry Mocarta, Čajkoŭskaha, Šapena i inšych kłasikaŭ, maestra źmianiŭ dyryžorskuju pałačku na smartfon i naŭprost sa sceny zrabiŭ sełfi sa słuchačami. Paśla hetaha nastała čarha hledačoŭ zrabić ułasnyja sełfi-partrety z arkiestram i Alaksandram Anisimavym na pamiać.

Usio, što adbyvałasia, fiksavałasia dla historyi pry dapamozie samych sučasnych techničnych srodkaŭ, uklučajučy zdymku z kvadrakoptara i kamier 360°. Tak udałosia zachavać padzieju ŭ jaje sapraŭdnych maštabach.

«Siońniašniaje sełfi z udziełam 8 tysiač čałaviek, napeŭna, maje šancy stać samym masavym u historyi Minska i navat, moža być, va ŭsioj Biełarusi. Ale za hetymi ličbami i kadrami dla nas staić niešta našmat bolšaje: vialikaja cikavaść da fiestyvalu «Kłasika kala Ratušy z Vełkomam» i da kłasičnaj muzyki ŭ cełym, čamu my zmahli atrymać nastolki nahladnaje i ŭražlivaje paćviardžeńnie», — adznačyła Julija Dajneka, načalnik upraŭleńnia markietynhu kampanii Vełkom.

Taksama dla ŭsich haściej fiestyvalu kampanija VELCOM abjaviła śpiecyjalny konkurs, u jakim biaruć udzieł usie fatahrafii ź pieršaha i nastupnych kancertaŭ «Kłasiki kala Ratušy z Vełkomam» z chešteham #kłaśsikaśviełkom. Pa vynikach fotakonkursu najlepšyja pracy buduć pradstaŭleny na vystavie ŭ samym centry stalicy.

Arhanizataram prajekta «Kłasika kala Ratušy z Vełkomam» źjaŭlajecca Minski haradski vykanaŭčy kamitet pry hienieralnaj padtrymcy kampanii VELCOM, a taksama pry ŭdziele kancertnaha ahienctva «Ekvilibryum Arts». Napieradzie minčan i haściej horada čakaje jašče siem subot, na kožnaj ź jakich prahučyć šmat cudoŭnaj muzyki ŭ vykanańni najlepšych kalektyvaŭ ź Biełarusi i inšych krain.

Kamientary2

Zamach na Donalda Trampa: u jaho stralali ŭ čas vystupu ŭ Piensilvanii54

Zamach na Donalda Trampa: u jaho stralali ŭ čas vystupu ŭ Piensilvanii

Usie naviny →
Usie naviny

U Kobrynie bolš nie budzie vulicy Kalinoŭskaha11

Samit NATA pakazaŭ adsutnaść mocnaha lidara nakštałt Čerčyla — Bild3

Kaho siońnia možna nazvać sapraŭdnym patryjotam Biełarusi? Hutarka ź fiłosafam Barkoŭskim13

Hramadzianina Indyi, jak miarkujecca, uziali ŭ zakładniki ŭ Biełarusi9

Biełaruskim błohieram zakručvajuć hajki — źmianili praviły publikacyi rekłamy ŭ sacsietkach. Padrabiaznaści1

Prezident Čechii prapanavaŭ sposab pačać pieramovy pamiž Ukrainaj i Rasijaj6

U Rastoŭskaj vobłaści z-za ataki dronaŭ haryć naftabaza

Sud zakryŭ spravu akciora Aleka Bołduina, jakoha abvinavačvali ŭ nienaŭmysnym zabojstvie apieratarki-ŭkrainki na zdymkach

Što pryhatavać ź lisičkami: frykadelki, hulaš, kašu

bolš čytanych navin
bolš łajkanych navin

Zamach na Donalda Trampa: u jaho stralali ŭ čas vystupu ŭ Piensilvanii54

Zamach na Donalda Trampa: u jaho stralali ŭ čas vystupu ŭ Piensilvanii

Hałoŭnaje
Usie naviny →