Ekanomika11

Mima biržavych tarhoŭ praśliznuła $1,2 miljarda. Pačynajem panikavać?

Statystyka ab stanie ŭnutranaha valutnaha rynku ŭ červieni pakazała hihanckija abaroty, jakija nie prajšli praz tarhi na valutna-fondavaj biržy. Pa-za biržaj banki i inšyja jurydyčnyja asoby prakrucili «farš» z $1199 młn. Prodažy valuty praź biržu skłali za miesiac $471,6 młn, ź jakich $460,8 młn pryjšłosia na abaviazkovuju realizacyju vyručki.

Uvohule, asnoŭny abjom zamiežnych hrašznakaŭ kruciŭsia za miežami, adkrytymi naziralnikam. U pieryjad z 2014 pa 2017 krychu bolšyja abaroty ŭ baku ad biržy adznačalisia tolki adzin raz — u śniežni 2016 hoda. Tady ŭłady Biełarusi sprabavali damovicca z Maskvoj i pahasić hazavy doŭh, ale sprava nie vyharała. Adnosna červienia 2016-ha prodažy valuty pradpryjemstvaŭ pa-za biržaj vyraśli na 50,6%.

U čym pryčyna červieńskaha fienomienu?

Pieršym na rozum prychodzić tłumačeńnie, źviazanaje sa źniešnim handlem. Ciapier za košt nizkaj bazy minułaha hoda ekspart u dalaravym vyražeńni raście na dziasiatki adsotkaŭ.

Druhaja mahčymaja pryčyna — čysta bankaŭskaja dźvižucha. U kancy červienia ŭ Biełarusi pastupili vielizarnyja sumy ad źniešnich kredytoraŭ — bolš za $1,4 młrd pa jeŭrabondach i $300 młn ad JEFSRA. Častka valutnaha balavańnia ŭładaŭ choć by i ŭ vyhladzie abjedkaŭ z panskaha stała mahła pratačycca ŭ bankaŭskuju sistemu.

Pakolki amal uvieś abaviazkovy prodaž valuty skancentravany na biržavych tarhach, bałans popytu i prapanovy pa-za biržaj chranična pierakošany na karyść popytu. Voś i za červień arhanizacyi-rezidenty kupili pa pramych ździełkach $1728 młn, a pradali $1199 młn. U vyniku ŭtvaryŭsia deficyt na sumu $529 młn.

U zaležnaści ad miesiaca deficyt valuty na pazabiržavym rynku całkam albo častkova pakryvajecca ździełkami na BVFB. Kankretna za červień praz valutna-fondavuju biržu było pradadziena na $457,2 młn bolš, čym kuplena. Tamu ŭ cełym razryŭ pamiž popytam i prapanovaj dla arhanizacyj-rezidentaŭ skłaŭ tolki $71,8 młn.

Lipień u Biełarusi źjaŭlajecca miesiacam vypłaty kvartalnych padatkaŭ. Adsiul čakany napłyŭ pradavanaj na biržy valuty. Aryjencirovačna za košt padatkovaha faktaru jurasoby-rezidenty pradaduć na $140—150 młn bolš, čym kupiać. Roźnica pojdzie ŭ kišeni bankaŭskaj sistemy.

Zrešty, i ciapier banki pažyvajuć dosyć niadrenna. Kali za paŭhoda arhanizacyi-rezidenty nabyli na čystaj asnovie $118,5 młn, to nasielnictva adnieśli banki bolš za $1,1 młrd! Dla paraŭnańnia: za studzień-červień 2016 hoda hramadzianie addali ŭ bankach $634,2 młn. Asabliva cikava, što fizičnyja asoby zastalisia čystymi pradaŭcami valuty niahledziačy na rost kursu dalara i jeŭra. Da hetych valut biełaruski rubiel abiasceniŭsia za červień na 3,7% i 6,4% adpaviedna. Adnak u červieni hramadzianie pradali bankam na $182,1 młn bolš, čym kupili.

Kali ŭ nasielnictva źjaviŭsia niejki niespakoj nakont kursavoj stabilnaści, to my daviedajemsia pra heta nie raniej za žnivień, kali vyjdzie lipieńskaja statystyka. Pakul ža vidavočnych prykmiet valutnaj lichamanki i nabiehu na banki ŭ krainie niama. Bieskłapotnaść nasielnictva nie pachisnuła navat šumnaja historyja z pazbaŭleńniem licenzii BSB-Banka.

Kamientary1

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?16

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Usie naviny →
Usie naviny

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

Na biełaruska-litoŭskaj miažy upieršyniu za doŭhi čas źjaviłasia čarha z aŭtobusaŭ1

Ryžankoŭ: Biełaruś hatova da dyjałohu z Polščaj pa situacyi na miažy20

U załatoj bucy na Jeŭra-2024 adrazu niekalki ŭładalnikaŭ

Jak adroźnivajucca ŭmovy pracy dla IP u Biełarusi i Litvie? 1

Anioł Śmierci. Historyja biełaruski, jakaja paviedamlaje rodnym zahinułych kalinoŭcaŭ pra ich hibiel3

Arhiencina vyjhrała Kubak Amieryki pa futbole — i heta taksama rekord

Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask32

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

bolš čytanych navin
bolš łajkanych navin

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?16

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Hałoŭnaje
Usie naviny →