Usiaho patrochu1313

Miakkija trusiki zachoplivajuć Biełaruś — novaje masavaje šalenstva

Dziŭnyja puchnatyja birulki litaralna za paru miesiacaŭ apanavali biełaruskija kramy. Praktyčnaha sensu ŭ ich nijakaha, ale kali biareš takoha trusa ŭ ruki, taktylnyja adčuvańni dosyć niezvyčajnyja, byccam trymaješ žyvuju istotu. Nasamreč jano tak i jość, bo bolšaść cacak vyrablenaja z naturalnaha futra trusoŭ, čym usurjoz zaniepakojenyja zoaabaroncy.

Fota golloscdn.com

Virusnuju birulku prydumała kitajskaja dyzajnierka aksiesuaraŭ Eła Lju. Pa zadumie miakki trusik musiŭ upryhožvać žanočuju sumku, aŭtamabil ci źviazku klučoŭ. Za aryhinalnuju cacku z kaštoŭnaha kapienhahienskaha futra treba było vykłaści niekalki socień dalaraŭ. Hrošy niemałyja, tamu na zvyšpapularnaść trusy nie pretendavali, pakul kitajskija vytvorcy nie vyrabili adnosna tanny anałah.

Tak vyhladaje aryhinalny aksiesuar ad Eły Lju. Fota amazon.ca

Sapraŭdnaje šalenstva pačałosia, kali puchnaty aksiesuar trapiŭ na «Aliekspres», dzie hetuju miłatu možna zamović za šeść rubloŭ. U biełaruskich anłajn-kramach ciapier jość i pa čatyry rubli, a voś u zvyčajnych pradajuć razy ŭ try-čatyry daražej.

Ciapier birulku pazicyjanujuć jak cacku-antystres. Hetak ža, jak i śpiniery, bum na jakija pryjšoŭsia faktyčna ŭ toj ža čas. Kali na śpiniery treba hladzieć, kab supakoicca, to trusaŭ treba macać. Kaniečnie, supakajalny efiekt ad hetaha sumnieŭny.

Usie trusy vyhladajuć prykładna adnolkava, hałoŭnaje adroźnieńnie ŭ materyjale, ź jakoha ich robiać. Bolšaść birulek vyrablenyja z naturalnaha futra, inšyja — sa štučnaha. Zoaabaroncy zaklikajuć źviartać na heta ŭvahu i nie nabyvać cacki, na jakija pajšli žyvyja trusy — futra hetych žyvioł vykarystoŭvajuć dla vyrabu birulek najčaściej.

Fota trends-in-china.ru

Jašče hod tamu z hetaj nahody pačała bić tryvohu sinhapurskaja zoaabarončaja arhanizacyja SPCA Singapore. Zoaabaroncy žachnulisia, kali prykinuli maštaby vytvorčaści «miłych» cacak. Kiraŭnik arhanizacyi Džajpał Sinhch zaklikaŭ pierastać nabyvać birulki, bo žyvioły, futra jakich idzie na vyrab cacak, čaściakom utrymlivajucca ŭ žudasnych umovach i pamirajuć u pakutach.

Zrazumieć, z naturalnaha ci štučnaha futra vyrableny aksiesuar, možna, kali pryhledziecca da vałasinak. U naturalnaha jość voŭna i padšerstak, hetaje futra budzie nieadnarodnaha koleru. Možna taksama vyciahnuć niekalki vałasinak i padpalić. Kali jany buduć płavicca — futra štučnaje, kali hareć — naturalnaje.

Kamientary13

Jakimi buduć vybary 2025 hoda? Razvažajuć Viačorka, Łatuška i Šrajbman20

Jakimi buduć vybary 2025 hoda? Razvažajuć Viačorka, Łatuška i Šrajbman

Usie naviny →
Usie naviny

Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask14

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

Nazvanyja najlepšyja hulcy Jeŭra-2024, małady futbalist i hulec finału

Pamior biełaruski kampazitar Leanid Hucin

Ispanija čaćvierty raz u historyi vyjhrała Jeŭra — i heta rekord VIDEA6

Biznesoŭcu i kiraŭnika respublikanskaha turystyčnaha sajuza asudzili za supracu ź litoŭskimi śpiecsłužbami 3

Jašče adna achviara štormu — dreva zabiła chłopčyka pad Rečycaj

Stała viadoma asoba čałavieka, jakoha zastrelili na mitynhu Trampa1

Jarmošyna raskazała, kaho dapuściać da ŭdziełu ŭ vybarach-202520

bolš čytanych navin
bolš łajkanych navin

Jakimi buduć vybary 2025 hoda? Razvažajuć Viačorka, Łatuška i Šrajbman20

Jakimi buduć vybary 2025 hoda? Razvažajuć Viačorka, Łatuška i Šrajbman

Hałoŭnaje
Usie naviny →