Dziaržpamiežkamitet: Propuski dla ŭjezdu ŭ pamiežnuju zonu Rasii biełarusam nie spatrebiacca
Propuski ŭ pamiežnuju zonu Rasii, ustanoŭlenuju ŭzdoŭž dziaržaŭnaj miažy ź Biełaruśsiu, dla biełarusaŭ uvodzić nie płanujecca, paviedamlajecca na sajcie Dziaržaŭnaha pamiežnaha kamiteta.
Na Fiederalnym partale prajektaŭ narmatyŭnych pravavych aktaŭ 3 lipienia raźmieščany prajekt zahada Fiederalnaj słužby biaśpieki Rasijskaj Fiederacyi «Ab zaćviardžeńni Pravił pamiežnaha režymu», jakim vyznačajucca praviły pamiežnaha režymu ŭ pamiežnaj zonie, u tym liku praviły ŭjezdu (prachodu), časovaha znachodžańnia i pieramiaščeńnia asob i transpartnych srodkaŭ u pamiežnaj zonie RF.
«Jakich-niebudź propuskaŭ (śpiecpropuskaŭ) dla ŭjezdu, prachodu ŭ pamiežnuju zonu Rasijskaj Fiederacyi, ustanoŭlenuju ŭzdoŭž dziaržaŭnaj miažy ź Biełaruśsiu, dla biełaruskich hramadzian prajektam hetaha zahada nie praduhledžvajecca», — adznačyli ŭ DPK.
Zhodna z prajektam zahada «ŭjezd (prachod) u pamiežnuju zonu pa dakumientach, jakija zaśviedčvajuć asobu, ažyćciaŭlajecca hramadzianami Rasijskaj Fiederacyi i Respubliki Biełaruś, što nakiroŭvajucca ŭ pamiežnuju zonu, ustanoŭlenuju ŭzdoŭž rasijska-biełaruskaha ŭčastka dziaržaŭnaj miažy».
Infarmacyja, raspaŭsiudžanaja roznymi krynicami ŭ internecie, ab tym, što biełarusy buduć ujazdžać pa śpiecpropuskach u pamiežnuju zonu z boku Rasii z 1 kastryčnika, nie maje pad saboj padstaŭ, padkreślili ŭ viedamstvie.
Kamientary