Minskija rajony praciahvajuć pisać svaju niesurjoznuju kanstytucyju. Zusim niadaŭna źjaviŭsia sajt newminsk.by, dzie źbirajuć niehałosnyja praviły, jakija adroźnivajuć roznyja rajony horada: ad Šabanoŭ da Asmałoŭki. Stvaralniki prajekta chočuć sabrać usie cikavyja fakty i haradskija lehiendy ŭ niesurjoznuju kanstytucyju — svojeasablivy hid pa Minsku. Za dva tydni pracy było sabrana bolš za trysta praviłaŭ.

Inicyjataram prajekta stała Novaja Baravaja — Minski rajon, jaki zusim niadaŭna źjaviŭsia i jašče tolki farmiruje svaje zvyčai. Pa anałohii z Užupisam, znakamitym kvartałam tvorčych ludziej u Vilni, u Novaj Baravoj taksama abviaścili ab stvareńni svajoj kanstytucyi.

Kab vybrać praviły dla svajho rajona, žychary mahli prahałasavać prosta ŭ siabie ŭ padjeździe: u kožnym domie źjavilisia skryni, u jakija treba było apuskać biuleteni.

U ofisie prodažaŭ śpiecyjalna da hałasavańniem źjaviŭsia kardonny Tramp, jaki zaklikaje ŭsich žycharoŭ prajavić aktyŭnaść. Pa słovach supracoŭnikaŭ, Tramp ź jaho firmovaj uśmieškaj užo staŭ lubimčykam usich haściej.

Cikava, što ŭ hałasavańni mohuć brać ŭdzieł nie tolki darosłyja, ale i dzieci — jany prapanujuć svaje praviły dla Novaj Baravoj u vyhladzie malunkaŭ. «Biuleteni» z vyjavaj idealnaha horada pakidajuć u skryniach z paznakaj «0+».

Top-7 praviłaŭ kanstytucyi Novaj Baravoj

1. U Novaj Baravoj dazvolena ŭsiudy adčuvać siabie jak doma. Dy nie pakinie mianie heta pačućcio ni ŭ padjeździe, ni na vulicy!

2. Kožny maje prava być zdarovym i stanovicca macniejšym. Dla hetaha ŭ dvarach jość usio nieabchodnaje.

3. Prysutnaść zielaniny całkam mahčyma na ŭsich uzroŭniach: ad ziamli da samaha dachu. Kolkaść raślin = kolkaść ludziej.

4. Chatnija žyvioły radujuć maich susiedziaŭ nastolki ž mocna, jak i mianie samoha. Prybirać za svaimi hadavancami całkam narmalna.

5. Ja pavažaju svaich susiedziaŭ, a jany pavažajuć mianie: my nie kurym u padjeździe, na bałkonach, pry dzieciach! My starajemsia, kab Novaja Baravaja stała terytoryjaj, svabodnaj ad škodnych zvyčak.

6. My narodžanyja frendli, takimi i zastajemsia. Tut rady tym, chto adroźnivajecca ad nas.

7. Dazvoleny ruch biez barjeraŭ. Ja dapamahaju tym, kamu heta treba. 

Клас
0
Панылы сорам
0
Ха-ха
0
Ого
0
Сумна
0
Абуральна
0