Lidski brovar vypuściŭ piva da 100-hodździa BNR
Brovar «Lidskaje piva» 22 červienia prezientavaŭ novy hatunak — «Mienskaje 1918». Jon prymierkavany da 100-ch uhodkaŭ abviaščeńnia niezaležnaści Biełaruskaj Narodnaj Respubliki, jakoje adbyłosia 25 sakavika 1918 hoda.
Na etykietcy hatunku raźmieščanyja bieł-čyrvona-biełyja abrysy BNR. Etykietka vykananaja ŭ stylistycy staražytnaha vitraža.
«Novy pradukt prymierkavany da daty, kali Minsk upieršyniu staŭ stalicaj niezaležnaj dziaržavy», — havorycca ŭ pres-relizie.
Piva vyrablenaje ŭ styli jeŭrapiejski łahier. Maje 4,7% macunku. U kramach pačnie pradavacca ad 24 červienia. Rekamiendavanaja cana — 1,61 rubli za šklanuju butelku i 3,82 rubli za PET.
Prezientacyja novaha hatunku adbyłasia ŭ kaviarni «Hraj». Mastactvaznaŭca Siarhiej Chareŭski pračytaŭ lekcyju pra pamiatnyja miaściny BNR u Minsku.
Heta ŭžo nie pieršyja «histaryčnyja» hatunki piva ad «Lidskaha». Sioleta ŭ liniejcy źjavilisia łahiery «Mienskaje 1067» i «Mienskaje 1499», adzin ź jakich pryśviečany zasnavańniu Minska, a druhi — nadańniu horadu Mahdeburhskaha prava.
Kamientary