Byłyja rabotniki BNTU zatrymanyja za kradziažy ŭ bujnym pamiery, paviedamlajecca na sajcie HUUS Minharvykankama.
Prakuratura Savieckaha rajona Minska 2 červienia raspačała kryminalnuju spravu pa č. 3 art. 210 (kradziež šlacham złoŭžyvańnia słužbovymi paŭnamoctvami ŭ bujnym pamiery) KK u dačynieńni da byłych słužbovych asob Biełaruskaha nacyjanalnaha techničnaha ŭniviersiteta. Sankcyja nazvanaj častcy artykuła praduhledžvaje adkaznaść u vyhladzie pazbaŭleńnia voli na termin ad troch da dziesiaci hadoŭ z kanfiskacyjaj majomaści i z pazbaŭleńniem prava zajmać peŭnyja pasady abo zajmacca peŭnaj dziejnaściu.
Vyjaŭlena, što na praciahu mnohich hadoŭ słužbovyja asoby vykradali hrošy ŭniviersiteta. Jany šukali biespracoŭnych hramadzian, jakim nieabchodny byŭ pracoŭny staž, i pracaŭładkoŭvali na pasadzie techničnaha piersanału. Adnak faktyčna jany nie pracavali. U tabieli ŭliku pracoŭnaha času ŭnosili źviestki ab nibyta adpracavanym «miortvymi dušami» pracoŭnym časie. Dalej tabieli pieradavalisia ŭ buchhałteryju dla naličeńnia zarabotnaj płaty i nastupnaha pieraličeńnia hrošaj na kart-rachunki. Hrašyma słužbovyja asoby rasparadžalisia pavodle svajho mierkavańnia, bo bankaŭskija płastykavyja karty znachodzilisia ŭ ich. Suma vykradzienych srodkaŭ skłała bolš za 94 młn niedenaminavanych rubloŭ.
Stali viadomyja pieršyja piać proźviščaŭ palitviaźniaŭ, vyzvalenych pa novym pamiłavańni5
Kamientary