Na pravach rekłamy

«Mietry dabryni»: jak handlovaja sietka «Vitalur» sabrała pradukty i adzieńnie dla ankałahičnaha centra

Razam z fondam «Dotyk da žyćcia» handlovaja sietka kram i supiermarkietaŭ «Vitalur» zładziła dabračynnuju akcyju ŭ padtrymku siemjaŭ, jakija znachodziacca na lačeńni ci reabilitacyi ŭ Respublikanskim navukova-praktyčnym centry dziciačaj ankałohii, hiematałohii i imunałohii.

U siami kramach «Vitalur» ustalavali šklanyja skrynki «Mietr dabryni», kudy kožny achvotny moh pakłaści papiarednie nabytyja pradukty charčavańnia, hihijeničnyja srodki abo adzieńnie.

Skryni «Mietr dabryni» ŭstalavali ŭ siami kramach «Vitalur».

Vałanciory razdajuć fłajery: niekotoryja pakupniki prachodzili mima, ale ludzi, jakija źviarnuli ŭvahu na akcyju, abaviazkova viartalisia z vaflami, dziciačym piure i inšymi pačastunkami.

«Nie ŭsie kiraŭniki źjaŭlajucca dabračyncami i zdolnyja adhukacca na čužoje hora, jak na svajo.

Zdavałasia b, niama ničoha składanaha ŭ tym, kab pastavić takija skryni niedzie pobač z uvachodam u mahazin ci sałon, ale niekatoryja načalniki čamuści ŭsprymajuć heta jak niešta, što moža sapsavać imidž kampanii. Kamiercyjny dyrektar «Vitalur» Vital Jacuk tak nie ličyć i pajšoŭ nam nasustrač, za što my jamu vielmi ŭdziačnyja», —

 dzielicca kaardynatar vałanciorskaha ruchu fondu «Dotyk da žyćcia» Alena Miadzinskaja.

Bolš za ŭsio ludzi «achviaravali» prysmakaŭ, i heta cudoŭna, ale, na budučyniu, vałanciory zaklikajuć rabić akcent na hihijeničnyja srodki, bo prakładki ci pampiersy dla chvorych, asabliva lažačych, — heta sapraŭdnaje vyratavańnie.

«Mietr dabryni» adpraŭlajecca ŭ ankałahičny centr.

Padobnyja akcyi aktyvisty i vałanciory ładziać užo nie pieršy hod i adznačajuć, što apošnim časam kolkaść rečaŭ, jakija jany mohuć sabrać za dzień akcyi, značna źmienšyłasia. Vykanaŭčy dyrektar fondu Viera Hachava miarkuje, što na situacyju paŭpłyvaŭ ekanamičny kryzis: ludzi i rady byli b pieradavać u dziciačyja damy ci ankacentry bolš, ale vymušany rasparadžacca siamiejnym biudžetam aščadna.

Ale, niahledziačy na kryzis, za miesiac vałanciory z dapamohaj pakupnikoŭ «Vitalur» zdoleli zapoŭnić salidnuju kolkaść pakietaŭ padarunkami dla dzieciej.

Heta Jaŭhien (sprava), jamu 18. Jon choć i znachodzicca ŭ dziciačym adździaleńni, ale prosić usich nazyvać siabie mužčynam.

Saša i jaho mama Śviatłana. Pieršyja prablemy ŭ syna pačalisia ŭ 2010 hodzie: admovili nohi. 5 hadoŭ reabilitacyi, a potym znoŭ — recydyŭ i chimija. Saša pakul nie chodzić, ale ŭžo moža siadzieć — i heta dobraja navina. Siamja kaža dziakuj usim, chto dapamahaje, bo ŭsie asnoŭnyja srodki apošnija 7 hadoŭ addavali na lačeńnie.

Paśla supu mama dazvolić siamihadovamu Ženiu źjeści i niešta z prysmakaŭ, pryviezienych vałanciorami, — u pałacie śviata!

«My vielmi spadziajomsia, što i inšyja kramy ci pradprymalniki pojduć na taki krok. Pastavić skrynku — heta takaja drobiaź ŭ paraŭnańni z vynikam — ščaślivymi ŭśmieškami dziaciej i ŭdziačnaściu baćkoŭ, jakija buduć viedać, što jany nie samotnyja ŭ svajoj biadzie», —

kaža Viera Hachava.

Pakinuć svajo achviaravańnie na čarhovyja «Mietry dabryni» možna ŭ mahazinach sietki «Vitalur» u Minsku pa nastupnych adrasach:

vuł. Žynoviča, 7
vuł. Rafijeva, 56
pr. Haziety Praŭda, 20
vuł. Miastroŭskaja, 27
vuł. Mirašničenka, 3
vuł. Kasmanaŭtaŭ, 28
Ihumienski trakt, 11

TDA «Vitalur», UNP 100921458.

Kamientary

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ1

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Usie naviny →
Usie naviny

Eduardu Babaryku dadali paŭtara hoda źniavoleńnia2

Bajden nazvaŭ vice-prezidenta Charys Trampam. Toj rezka adreahavaŭ1

Milinkievič raskazaŭ, što biełarusy mohuć dać Jeŭropie8

Razhramili kvateru byłoha viadučaha ANT Ivana Padreza11

Amnesty International zaklikała vyzvalić Alesia Bialackaha1

Siamiejnuju paru rasijan zatrymali ŭ Aŭstralii pa padazreńni ŭ špijanažy

Šmatdzietnaj maci dali 6 hadoŭ kałonii pa 6 artykułach. Syn-padletak ź invalidnaściu čakaje jaje na voli7

Pamior biełaruski saksafanist Vital Jamuciejeŭ

Kałumbijski fanat, jaki ŭdaryŭ lidara zbornaj Uruhvaja Nuńjesa, vyjaviŭsia śviatarom FOTAFAKT2

bolš čytanych navin
bolš łajkanych navin

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ1

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Hałoŭnaje
Usie naviny →