Kedebisty dazvolili 80-hadovaj Mai Klaštornaj upieršyniu ŭbačyć spravu represavanaj maci
Maja Klaštornaja — dačka represavanych litaratara Todara Klaštornaha i Janiny Hiermanovič — upieršyniu zmahła pahartać dakumienty z archiŭnaj spravy svajoj maci.
Sustreča adbyłasia «dziakujučy inicyjatyvie i starańniami kiraŭnictva KDB», piša hazieta «Savieckaja Biełarusija», u redakcyi jakoj i adbyłasia sustreča. Dadatkova adznačajecca, što dla Mai Klaštornaj navat zrabili kopiju spravy jaje biaźvinna asudžanaj maci.
Todar Klaštorny byŭ rasstralany 30 kastryčnika 1937 hodzie ŭ turmie NKVD u Minsku jak «člen antysavieckaj arhanizacyi». Reabilitavany ŭ 1957 hodzie.
Janina Hiermanovič była aryštavana pa apieratyŭnym zahadzie narkama Jažova №00486 i asudžanaja tolki za toje, što była žonkaj rasstralanaha «voraha naroda». Joj navat nie pradjavili abvinavačvańniaŭ. Była dvojčy represavanaja, vysyłałasia ŭ Karahandu i Kiemierava. Reabilitavanaja ŭ 1957 hodzie. Pamierła ŭ 1959 hodzie.
Čytajcie taksama:
Kamientary