26 maja ŭ chole kala kniharni «Halijafy» (HC Niamiha 3, cokalny pavierch, 66 pav.) adbudziecca prezientacyja pierakładu navieły lehiendarnaha šviejcarskaha piśmieńnika Franca Cholera «Kamienny patop». Heta pieršy biełaruski pierakład aŭtara ŭ vykanańni Iryny Hierasimovič. Śpiecyjalny hość — viadomy režysior i akcior Jura Dzivakoŭ-Dušeŭski.
U pradčuvańni katastrofy
11 vieraśnia 1881 hoda šviejcarskaja vioska Elm paciarpieła ad strašennaha kamniapadu, vyklikanaha parušeńniem technałohii zdabyčy šyfieru. U naviele detalova pakazana raźmieranaje žyćcio žycharoŭ vioski, jakoje litaralna praz dva dni pieratvorycca ŭ tatalny chaos.
Hałoŭnaja hierainia tvoru — siamihadovaja Kataryna Dyš — dziaŭčynka, jakaja vielmi tonka adčuvaje śviet. Hetaja asablivaść robić jaje žyćcio duža niaprostym, ale ŭrešcie i ratuje.
Padčas imprezy, knihu «Kamienny patop» možna budzie nabyć za źnižkaj u 30%!
Franc Choler naradziŭsia ŭ 1943 hodzie i ličycca adnym z samych značnych sučasnych šviejcarskich piśmieńnikaŭ. Jon paet i artyst kabare, piša apoviedy i ramany, časta spałučaje aktualnuju palityčnuju tematyku z humarystyčnaj, hratesknaj fabułaj.
«Franc i Rene» (Choler i viadomy mim Rene Kiele) vychavali nie adno pakaleńnie šviejcarskich dziaciej, vystupajučy ŭ dziciačaj teleprahramie 1970-ch Spielhaus. Z tych časoŭ Choler napisaŭ šmat iraničnych vieršaŭ i knih dla dzietak.
Na pačatku 1980-ch hh. aŭtar vioŭ satyryčnuju vostrasacyjalnuju prahramu na telebačańni, ale sa skandałam syšoŭ z prajektu praz cenzuru vypuskaŭ ab atamnaj enierhii i militaryźmie.
Za svaju pryrodaachoŭnuju dziejnaść u 2001 hodzie piśmieńnik atrymaŭ premiju Binding-Preis.
U 2015 hodzie Choler stvaryŭ manifiest u padtrymku biežancaŭ ź Siryi i inšych krain, zaklikajučy Šviejcaryju dapamahčy hetym ludziam.
U Franca Cholera šmat uznaharodaŭ, u tym liku Kasielskaja litaraturnaja premija za hrateskny humar (2002 h.), Mastackaja premija horada Ciurycha (2005 h.), Załaturnskaja litaraturnaja premija (2013 h.), premija imia Elis Sałamon i premija Jochana Pietera Chiebiela (abiedźvie ŭ 2014 h.).
PVUP «Halijafy» UNP 190883852
Kamientary