Prezident ZŠA Donald Tramp zajaviŭ, što nie źjaŭlajecca abjektam rasśledavańnia FBR, a zvolnienaha im u sieradu dyrektara biuro Džejmsa Komi nazvaŭ «samarekłamščykam» i «pazioram».

U intervju NBC News Tramp taksama skazaŭ, što asabista pryniaŭ rašeńnie zvolnić kiraŭnika FBR.

Džejms Komi uznačalvaŭ rasśledavańnie mierkavanaha ŭmiašańnia Rasii ŭ vybarčuju kampaniju ŭ ZŠA i mahčymaj tajnaj zmovy pamiž supracoŭnikami vybarčaha štaba Trampa i pradstaŭnikami Kramla.

U svaim pieršym paśla zvalnieńnia dyrektara FBR intervju Tramp raspavioŭ, što cikaviŭsia ŭ Komi, ci znachodzicca pad śledstvam sam prezident.

«Ja paprasiŭ: kali možna, paviedamicie mnie, ci pad śledstvam ja? Jon adkazaŭ: vy nie pad śledstvam», - paviedamiŭ Tramp.

«Ja viedaju, što nie znachodžusia pad śledstvam, - paŭtaryŭ prezident.

Śledam Tramp zrabiŭ zajavu, jakaja stavić pad sumnieŭ učorašniaje aficyjnaje tłumačeńnie Biełaha doma, zhodna ź jakim prezident zvolniŭ Komi pa rekamiendacyi vyšejšych čynoŭnikaŭ miniusta.

«Jon samarekłamščyk. Jon pazior. U FBR byŭ bardak. Ja źbiraŭsia zvolnić Komi, heta było majo rašeńnie, — zajaviŭ Tramp. — Ja źbiraŭsia jaho zvolnić niezaležna ad rekamiendacyi», - dadaŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?