Pra heta paviedamiŭ siońnia žurnalistam ministr finansaŭ Uładzimir Amaryn pa vynikach narady ŭ Alaksandra Łukašenki ab udaskanaleńni pravavoha rehulavańnia ŭ asobnych śfierach ekanamičnaj dziejnaści, pieradaje BIEŁTA.

Kiraŭnik viedamstva pradstaviŭ kiraŭniku dziaržavy prajekt ukaza «Ab asobnych pytańniach finansavańnia kamiercyjnych arhanizacyj pad ustupku pravoŭ (patrabavańniaŭ)». Hety dakumient nakiravany na ŭdaskanaleńnie ŭmoŭ dla raźvićcia finansavaha rynku.

«Z pryniaćciem hetaha ŭkaza budzie ŭkaraniacca novaja schiema finansavańnia. Jaje sutnaść u tym, što banki i pradpryjemstvy zmohuć pradać svaju debitorskuju zapazyčanaść va ŭstanoŭlenym paradku, kab atrymać hrošy dla finansavańnia svaich patrebnaściej — kredytavańnia ekanomiki, madernizacyi pradpryjemstvaŭ», — raskazaŭ Uładzimir Amaryn.

Takaja schiema finansavańnia zasnavana na ŭstupcy pravoŭ (patrabavańniaŭ) z dalejšaj emisijaj ablihacyj. Novymi elemientami rynku stanuć śpiecyjalnyja finansavyja arhanizacyi, vyklučnaj dziejnaściu jakich stanie praviadzieńnie siekjurytyzacyi, a taksama śpiecyjalizavanyja depazitaryi, jakija buduć zabiaśpiečvać ulik i zachoŭvańnie adpaviednych aktyvaŭ.

«U suśvietnaj praktycy takaja schiema finansavańnia atrymała nazvu «siekjurytyzacyja». Jana šyroka prymianiajecca va ŭsim śviecie, abjomy takich ździełak dasiahajuć $1,5 trłn u hod. My taksama zmožam prymianiać hetu schiemu na našym finansavym rynku, kab tyja naźbiranyja abjomy zapazyčanaściej možna było transfarmavać u realnyja, «žyvyja» srodki, — adznačyŭ ministr. — U kaho jość zapazyčanaść, jon zmoža jaje pradać śpiecyjalnaj finansavaj arhanizacyi, u jakoj jość hrošy, abo jana vypuskaje, imituje ablihacyi. Potym užo z daŭžnikom śpiecyjalnaja finansavaja arhanizacyja praź śpiecyjalizavany depazitaryj urehuluje pytańni pahašeńnia zapazyčanaści i vykanańnia abaviazacielstvaŭ pa vypuščanych ablihacyjach».

Taksama prajektam ukaza praduhledžany normy, jakija vyklučajuć złoŭžyvańni i parušeńni pry ŭkaranieńni i realizacyi hetych novych schiem finansavańnia.

U siekjurytyzacyi zmohuć udzielničać roznyja jurydyčnyja asoby: banki, pradpryjemstvy, lizinhavyja kampanii, mikrafinansavyja arhanizacyi i inšyja. Pry hetym abjektami siekjurytyzacyi - finansavymi aktyvami — mohuć stać roznyja vidy zapazyčanaści, u tym liku kredyty, pazyki, płaciažy pa dahavorach lizinhu, inšych vidach debitorskaj zapazyčanaści.

Клас
0
Панылы сорам
0
Ха-ха
0
Ого
0
Сумна
0
Абуральна
0