Padčas pieršamajskaha śviatkavańnia ŭ Minsku źviarnuła na siabie ŭvahu raściažka, što patrapiła ŭ kadr fatohrafa Tut.by. 

«Piatuju kałonu ŭ piaty kut», — takija słovy byli nad maładzionami, jakija trymali ŭ rukach ściah prafkama BDU. 

Što hetaja studenckaja arhanizacyja chacieła skazać takim banieram?

Namieśnica staršyni prafkama Darja Śpiacanava adrazu zapeŭniła, što prafkam studentaŭ BDU da hetaj raściažki nie maje dačynieńnia. 

«Hetyja chłopcy z raściažkaj pra «piatuju kałonu» — jany nie našyja. Jany kala našych chłopcaŭ stali, i ja adrazu paprasiła, kab jany heta prybrali ad nas i stali la svajoj arhanizacyi. Ja ŭ ich navat spytała: adkul vy? BNTU, kažuć. Pytajusia, a chto vam jaje daŭ? Jany adkazvajuć — my nie viedajem. Voś tak. U nas byŭ tolki naš ściah, kiepki i majki. A taja raściažka… Niejak niezrazumieła, nie pa tematycy źjaviłasia. Nam u internecie ŭžo pišuć — a što heta vy takoje prynieśli? My adkazvajem, što nie našaje. Akazałasia tak, što fatohraf zrabiŭ zdymak raniej, čym my paprasili ich adyści», — skazała Śpiacanava. 

U prafkamie studentaŭ BNTU nam nastojliva paraili zadać pytańni, jakija nas cikaviać, Fiederacyi prafsajuzaŭ Biełarusi. 

U pres-słužbie fiederacyi pytańnie pra «piatuju kałonu» vysłuchali, ale adkazu nie dali, pakinuŭšy abiacańnie «vyśvietlić i pieratelefanavać».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?