Ananimny prapahandyscki film kanału «Biełaruś-1» pra «Bieły lehijon», narešcie, prezentavaŭ nam arhumentacyju aficyjnych uładaŭ nakont taho, čym matyvavanaja ichnaja baraćba suprać hetaj arhanizacyi, pryčym upieršyniu ŭhołas prahučała słova «ekstremizm».
Dla hetaha byli, kaniečnie, vykarystanyja savieckija pravincyjalnyja pryjomy sorakahadovaj daŭniny, kali možna pakazać niesympatyčnaha tabie čałavieka na fonie niamieckich vajskovych maršaŭ, albo pastavić niesympatyčnyja tabie pieśni na fonie kadraŭ z «Tryjumfu voli», i hetym spadziavacca pierakanać naiŭnaha hledača.
Pry hetym, što kankretna i pa sutnaści jość ekstremisckaha ŭ idealohii i dziejnaści «lehijonu», nam tak i nie paviedamili.
Sport, treniroŭki j hulnia ŭ «zarnicu»? Bieł-čyrvona-bieły ściah? Runičnaja symbolika? Usio heta nie ekstremizm. «Sovietskaja Biełoruśsija» ŭvohule saramliva nazyvała lehijaneraŭ «zvyšpatryjotami» — maŭlaŭ, zahulalisia mužyki, dy biez dazvołu dziaržavy.
Kali chacieć paŭsiul šukać Hitlera, možna i da aficyjnaha Dnia pieramohi darečna ci niedarečna ŭzhadać pra Pakt Mołatava-Rybentropa, pra saviecki hienacyd niekalkich narodaŭ, pra saviecki dziaržaŭny antysemityzm i ŭvohule pra znakamitaje «nie vsie tolko było płochoje…».
Ale što jašče važniej —
zmahajučysia suprać patryjotaŭ Biełarusi pad šyldaj nibyta baraćby z ekstremizmam, sama ŭłada aktyŭna karystajecca pasłuhami nieprychavanych, adkrytych radykałaŭ, i sama častkova składajecca ź ich.
Praŭradavy publicyst
Alaksiej Dziermant nia tak daŭno byŭ centralnaj fihuraj ultrapravaje pahanskaje hrupoŭki «Hieharuch» — svojeasablivaha biełaruskaha analaha kolišniaj niamieckaj Ahnenerbe.
«Hieharuch» adkryta nazyvaŭ Biełaruskuju nacyjanał-sacyjalistyčnuju partyju 30—40-ch hadoŭ svaimi papiarednikami, raspaŭsiudžvaŭ pravaradykalnyja materyjały i mroiŭ pra budaŭnicva bałtyjskaha rejchu («Rykojta»).
Hałoŭny redaktar časopisu «Biełaruskaja dumka» respektabelny Vadzim Hihin na pačatku karjery ŭdzielničaŭ u adnych kanferencyjach z čarnasociencami,
mety jakich apisvalisia tak:
«nieobchodim totalnyj diemontaž židovskoj diemokratii, kak otvratitielnoj, žiestokoj i ciničnoj formy hienocida russkoho naroda (…) V značitielnoj stiepieni SŠA — eto kołonija Izraila, upravlajemaja izvnie mieždunarodnoj židovskoj mafijej.
Značit, jeśli my chotim vyžiť, nam v Rośsii nado osvobodiťsia ot toj židovskoj diktatury, kotoraja miešajet Russkomu narodu vozrodiť svojo byłoje duchovnoje i dieržavnoje vieličije. I načať nado s razrušienija jejo duchovnych osnov — osnov rusofobii i christoborčiestva. To jesť s hłasnoho, publičnoho i dietalnoho razobłačienija tałmudičieskoho iudaizma — etoj rielihii nienavisti, istočnika jevriejskoho rielihioznoho fašizma i nacizma, odnoj iz chudšich, žiestočajšich form satanizma». Kaniec cytaty.
«Biełaruskija kazaki» i padobnyja da ich struktury, časam z błasłavieńnia pravasłaŭnaj carkvy, bieź pieraškody i amal adkryta zajmajucca tym, u čym abvinavačvajecca «Bieły lehijon». Pry hetym jany dziejničajuć z pazycyj, varožych da niezaležnaj biełaruskaj dziaržaŭnaści i ŭzajemadziejničajuć z prarasiejskimi separatystami va Ŭkrainie i ludźmi kštałtu rasiejskaha nacysta i sadysta Milčakova.
Narešcie,
ministar Šunievič, jaki na publiku nadzieŭ formu NKVD, u luboj eŭrapiejskaj krainie byŭ by paśla hetaha ŭ imhnieńnie voka z hańboj vyhnany z pasady.
NKVD — heta analah, papiarednik i natchnialnik hitleraŭskaha Gestapo; heta arhanizacyja, adkaznaja za zabojstvy j pakuty miljonaŭ niavinnych ludziej. U Viciebsku niadaŭna raskapali miascovy palihon, na jakim NKVD rasstrelvała ludziej, možacie pahladzieć fota.
Voś, dzie realny ekstremizm, realnyja prychilniki tatalitarnych čałavieka-nienaviśnickich idealohij, jakija pačuvajuć siabie ŭ Biełarusi vielmi kamfortna.
Nasuprać,
pierakanaŭčych prajavaŭ ekstremizmu «Biełaha lehijonu» - kankretnych cytataŭ z prahramnych materyjałaŭ, vykazvańniaŭ lehijaneraŭ u ŚMI (pry tym, što i Siarhiej Čysłaŭ, i Mirasłaŭ Łazoŭski ŭ niezaležnych medyjach vystupali davoli časta) — nichto nam tak i nie prademanstravaŭ. Vidavočna, demanstravać niama čaho.
Kamientary