Viarchoŭnaja rada niepryznanaj Prydniastroŭskaj małdaŭskaj respubliki pryniała «zakonaprajekt», pavodle jakoha rasijski ściah staŭ druhim «dziaržaŭnym» u rehijonie. Pra heta paviedamlaje Ukrinfarm.

Jak padkreślivajecca ŭ tłumačalnaj zapiscy da «zakonaprajekta», vykarystańnie dziaržaŭnaha ściaha Rasii na terytoryi Prydniastroŭja «źviazana ź imknieńniem žycharoŭ rehijonu dałučycca da RF na padstavie vynikaŭ refierendumu 2006 hoda».

Na dumku aŭtaraŭ «zakonaprajekta», vykarystańnie rasijskaha ściaha «stanie važnym stymułam dla dalejšaj ekanamičnaj i palityčnaj intehracyi z RF».

Takim čynam, z hetaha času na ŭsich «dziaržaŭnych» ustanovach rehijonu buduć vyviešany dva ściahi — rasijski i prydniastroŭski. Ściah Prydniastroŭja budzie raźmieščany źleva ad budynkaŭ, a rasijski — sprava.

Aficyjny Kišynioŭ pakul nijak nie prakamientavaŭ rašeńnie ŭładaŭ niepryznanaha Prydniastroŭja. 

Клас
0
Панылы сорам
0
Ха-ха
0
Ого
0
Сумна
0
Абуральна
0