Francyja nie niasie adkaznaści za abłavu «Viel dJIv» u 1942 h., padčas jakoj byli aryštavanyja bolš za 13 tysiač jaŭrejaŭ, zajaviła kandydat u prezidenty Francyi Maryn Lo Pien.

«Kali chto i niasie adkaznaść za heta, dyk heta ludzi, jakija byli tady pry ŭładzie. Heta nie Francyja», — zajaviła Lo Pien i panarakała, što školnikaŭ ciapier vučać tak, što ŭ ich jość usie padstavy krytykavać svaju radzimu i bačyć u asnoŭnym tolki ciomnyja momanty historyi Francyi. Palityk padkreśliła, što choča viarnuć francuzam honar za krainu.

Na dumku Lo Pien, sapraŭdnaja ŭłada Francyi ŭ hady Druhoj suśvietnaj vajny znachodziłasia ŭ vyhnańni ŭ Łondanie, a kałabarancki ŭrad Višy — heta nie Francyja.

Jana adznačyła, što nikolki nie zdymaje adkaznaść za departacyju jaŭrejaŭ z kankretnych francuzaŭ, jakija ździajśniali złačynstvy padčas Druhoj suśvietnaj vajny.

Francuzskaja arhanizacyja CRIF, jakaja ŭvachodzić u Suśvietny jaŭrejski kanhres, užo vystupiła z asudžeńniem słoŭ Lo Pien i nahadała, što Francyja ŭ 1995 hodzie ŭziała na siabie adkaznaść za departacyju jaŭrejaŭ padčas Druhoj suśvietnaj vajny.

Z rezkaj krytykaj zajavy Lo Pien taksama vystupiŭ jaje kankurent na vybarach Emanuel Makron, jaki nazvaŭ słovy palityka vialikaj pamyłkaj i nahadaŭ ab antysiemickich vykazvańniach jaje baćki Žan-Mary Lo Piena.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?