Navukovaja spadčyna słynnaha historyka: pieršy tom zbornika Mikałaja Ułaščyka prezientujuć u Nacyjanalnaj biblijatecy!

Kali: 28 sakavika 2017 hoda (aŭtorak)

Pačatak a 16-j hadzinie 

Dzie: Nacyjanalnaja biblijateka Biełarusi (h. Miensk, pr-t Niezaležnaści, 116).

Uvachod pravy bakavy.

Zała adukacyjnych technałohij, aŭdytoryja 346 

Uvachod volny.

Na prezientacyi vystupiać:

► Vićko Dźmitryj Viačasłavavič - kandydat histaryčnych navuk, kiraŭnik redakcyjnaha kalektyva vydańnia.

► Halpiarovič Maksim Navumavič - hałoŭny redaktar «Biełaruskaha histaryčnaha časopisa», adzin z redaktaraŭ vydańnia.

► Varonin Vasil Alaksiejevič - kandydat histaryčnych navuk, zahadčyk adździeła historyi Biełarusi Siarednich viakoŭ i pačatku Novaha času Instytuta historyi Nacyjanalnaj akademii navuk Biełarusi.

► Hołubieŭ Valancin Fiodaravič - doktar histaryčnych navuk, zahadčyk centra śpiecyjalnych histaryčnych navuk Instytuta historyi Nacyjanalnaj akademii navuk Biełarusi.

Mikałaj Ułaščyk (1906 — 1986) — historyk, archieohraf, krynicaznaŭca, pierakładčyk i piśmieńnik, jaki pa pravu zajmaje pačesnaje miesca siarod biełaruskich historykaŭ XX stahodździa. Doktar histaryčnych navuk, aŭtar navukovych prac pa historyi Biełarusi časoŭ VKŁ, pa prablemach letapisańnia, krynicaznaŭstva dy archieahrafii.

Jaho imia viadoma daloka za miežami Biełarusi - da navukovych prac M. Ułaščyka źviartajucca vučonyja mnohich krain. A źviartacca jość da čaho — spadčyna sapraŭdy ŭnušalnaja!

Čatyry navukovyja manahrafii i jašče adna niaskončanaja, miemuary, historyka-etnahrafičny narys pra rodnuju viosku, šmatlikija artykuły, recenzii — ŭsiaho kala troch tysiač staronak tekstu zaviaščaŭ navukoviec budučym pakaleńniam.

Padrychtoŭka da vypusku zboru tvoraŭ M. Ułaščyka viałasia šmat hadoŭ. Narešcie, napačatku 2017 hoda ŭ vydaviectvie «Inbiełkult» pabačyŭ śviet pieršy tom.

U jaho ŭvajšli manahrafii «Narysy pa archieahrafii i krynicaznaŭstvu historyi Biełarusi fieadalnaha pieryjadu» i «Uvodziny ŭ vyvučeńnie biełaruska-litoŭskaha letapisańnia», artykuły, recenzii i pradmovy da publikacyj na adpaviednuju tematyku, a taksama paśmiarotnyja vydańni, jakija płanavalisia jak praciah raspačataj tematyčnaj sieryi.

Bolšaść tvoraŭ M. Ułaščyka ŭ aryhinale napisanyja pa-rusku, častka — pa-biełarusku i niekalki pa-polsku. Dadzienaje vydańnie zboru tvoraŭ pa-biełarusku simvalična viartaje spadčynu historyka na Radzimu i robić jaje dastupnaj šyrokamu čytaču.

Bolš infarmacyi pry knihu tut.

Клас
0
Панылы сорам
0
Ха-ха
0
Ого
0
Сумна
0
Абуральна
0