Kab zatrymać aktyvista, milicyja vyklikała MNS i dva pažarnyja krany VIDEA
Sieńnia ranicaj aktyvist «Pošuha» Pavał Siarhiej paviedamiŭ «Našaj Nivie» što la jaho kvatery ŭ Maładziečnie z ranicy stajać dva mikraaŭtobusy z supracoŭnikami milicyi. U kvatery chłopca adklučyli śviatło i internet. Paŭłu ŭdałosia ŭciačy z doma praz akno i źbiehčy. Chłopiec paśpieŭ dabiehčy da kvatery svajho brata. Adtul jon praciahvaŭ padtrymlivać suviaź z karespandentami. Praź niejki čas paviedamiŭ, što la doma źjavilisia piać supracoŭnikaŭ u formie, dva ŭ padjeździe ŭ cyvilnym.
Praź niejki čas da doma, dzie schavaŭsia chłopiec, padjechali dźvie pažarnyja i adna mašyna MNS. Jany ŭzłamali dźviery, spasyłajučysia na to, što ŭ kvatery pačaŭsia pažar. Ale ŭ dźviery zamiest pažarnikaŭ uvarvalisia milicyjanty.
Žyvaja tranślacyja z zatrymańnia:
U svajakoŭ Paŭła pry zatrymańni kanfiskavali telefon, ź jakoha zdymali na videa pažarnyja mašyny i MNS pad domam. Videa było vykładzienaje va UKantakcie, ale 30 chvilin tamu źnikła.
Ale zastaŭsia skryn ź videa:
Paŭła Siarhieja zatrymali pa pryčynie taho, što jon nibyta ŭdzielničaŭ u «Maršy niedarmajedaŭ» u Maładziečnie, ale ŭ hety čas chłopca nie było ŭ krainie.
«Heta doktar ad Boha». Za palityku sudziać dziciačaha ankołaha z 23-hadovym stažam8
Kamientary