Kiraŭnik Słužby biaśpieki Ukrainy Vasil Hrycak paviedamiŭ, što ŭ vyniku stralaniny ŭ centry Kijeva jość zahinułyja i paranienyja, na miescy zdareńnia pracujuć śledča-apieratyŭnyja hrupy Nacyjanalnaj palicyi Ukrainy i SBU.
Jak paviedamiŭ načalnik palicyi Kijeva, pa niepaćvierdžanych dadzienych, zahinuŭ eks-deputat Dziarždumy Rasii Dzianis Varanienkaŭ.
Były deputat Dziarždumy Illa Panamaroŭ napisaŭ u fejsbuku, što Dzianis Varanienkaŭ išoŭ na sustreču ź im. Pavodle jaho słoŭ, zabojstva adbyłosia ŭ 11:25 pa miascovym časie (12:25 pa Minsku).
Prezident Ukrainy Piatro Parašenka vyklikaŭ kiraŭnika Słužby biaśpieki Ukrainy Vasila Hrycaka.
Maksakova prijechała i upała v obmorok pic.twitter.com/5QNBTYWg7N
Zabojca dastaŭleny ŭ balnicu Kijeva. Jaho paraniŭ achoŭnik Varanienkava. Sam achoŭnik taksama paranieny. Pra heta paviedamiŭ namieśnik kiraŭnika palicyi Kijeva.
***
Śpikier Ministerstva ŭnutranych spraŭ Ukrainy Arciom Šaŭčenka zajaviŭ, što za zabojstvam Varanienkava mohuć stajać rasijskija śpiecsłužby.
***
Dzianis Varanienkaŭ staŭ deputatam Dziarždumy ad KPRF u 2011 hodzie i pravioŭ u parłamiencie adno sklikańnie. Praktyčna ŭsia bijahrafija źviazanaja ź dziaržsłužbaj. Jon pracavaŭ u Vajennaj prakuratury, Dziarždumie, Viarchoŭnym sudzie, namieśnikam mera Narjan-Mara dy inš. U 2015 h. Fond baraćby z karupcyjaj Alaksieja Navalnaha abvinavačvaŭ Varanienkava ŭ tym, što zarobak čynoŭnika i deputata naŭrad ci moh dazvolić jamu kupić piać kvater, piać aŭtamabilaŭ i daču (u nastupnaj dekłaracyi byŭ ukazany tolki adzin aŭtamabil).
Pa-sapraŭdnamu prasłaviŭsia ŭ Rasii Varanienkaŭ, syhraŭšy samaje hučnaje viasielle ŭ Dziarždumie. Jon ažaniŭsia z deputatam ad «Adzinaj Rasii», opiernaj śpiavačkaj Maryjaj Maksakavaj.
U pačatku śniežnia 2016 h. Varanienkaŭ i Maksakava pierajechali ŭ Kijeŭ. Varanienkaŭ daŭ pakazańni pa spravie byłoha prezidenta Ukrainy Viktara Janukoviča.
Sa słoŭ hienprakurora Ukrainy Juryja Łucenki, pakazańni Varanienkava i inšaha byłoha deputata Dziarždumy Illi Panamarova (jon taksama pierajechaŭ va Ukrainu) «śviedčać ab tym, što miechanizm ŭvodu vojskaŭ RF na terytoryju Ukrainy byŭ zapuščany Kramlom jašče ŭ śniežni [2013 h.], kali Majdan jašče stajaŭ u centry Kijeva».
Sam Varanienkaŭ svaje pakazańni nie kamientavaŭ da lutaha 2017-ha. Siarod inšaha, jon tady zajaviŭ, što Krym dałučyli niapravilna, i jon za heta nie hałasavaŭ — chtości prahałasavaŭ jaho kartkaj biez davieranaści, a taksama, što rasijskaja dziaržava «zvarjacieła mienavita ŭ psieŭdapatryjatyčnym uhary», i situacyja ŭ krainie stała «padobnaja na nacysckuju Niamieččynu», piša meduza.io.
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści2
Kamientary