Kulturnaja placoŭka «Art-Siadziba» i internet-krama «Symbal.by» zaprašajuć da ŭdziełu ŭ tvorčym konkursie «Symbal natchnieńnia — Biełaruś!»

Da 9 krasavika arhanizatary čakajuć vizualnyja pracy ad mastakoŭ, ilustrataraŭ, dyzajnieraŭ i ŭsich tvorčych ludziej, jakija raskryvajuć temu konkursu i ŭ pierśpiektyvie buduć vykarystoŭvacca dla stvareńnia pryntoŭ, adzieńnia, suvieniraŭ, atrybutyki i inšych materyjalnych vyrabaŭ ź biełaruskim kałarytam.

Što nas, biełarusaŭ, natchniaje? Čym my možam hanarycca? Praź jakija vizualnyja vobrazy stylova i sučasna pakazać admietnaści našaha kraju i narodu, jakija vyklikajuć honar i pavahu?

Davajcie razam stvarać rečy, jakija abjadnoŭvajuć biełarusaŭ u roznych kutkach śvietu, vyłučajuć i robiać unikalnymi!

Meta konkursu

Pošuk novych tvorcaŭ, idej i rašeńniaŭ dla stvareńnia cikavych i stylovych rečaŭ, jakija buduć pracavać na papularyzacyju biełaruskaj movy, kultury, historyi, tradycyj i admietnaściaŭ našaj krainy.

 

Što čakajuć arhanizatary konkursu

  • Malunki, dyzajny, ilustracyi, jakija, mahčyma, stanuć jaskravymi pryntami na adzieńni biełarusaŭ i haściej našaj krainy (viektarnaja hrafika maksimum na 5 koleraŭ ci rastravaja z mahčymaściu adaptacyi da druku);
  • Aryhinalnyja aŭtarskija malunki dla azdableńnia roznaj suvienirnaj pradukcyi (čakajem nie tolki malunki, ale i hatovyja idei suvieniraŭ);
  • Idei prajektaŭ, jakija vy chočacie realizavać, ale vam nie chapaje kamandy i padtrymki.

Što tut moža być? Usio, na što vas natchniła Biełaruś, jaje historyja, mova, kultura, simvały. Hałoŭnaje, kab heta była nie syraja ideja na pačatkovaj stadyi, a detalova raspracavany, napisany, namalavany prajekt

(sieryja pryntoŭ, kniha, nabor paštovak, hulnia, kalandar, cacka, niejki vyrab i t.d.), jaki tolki patrabuje finalnaj dapracoŭki, mierkavańnia ekśpiertaŭ, zapusku ŭ vytvorčaść i prodaž, rekłamy i prasoŭvańnia.

Uvaha! Pamiatajcie, što vašyja pracy, idei i prajekty pavinny być ckiravanyja na stvareńnie nie źjaŭ i padziej, a materyjalnych rečaŭ, jakija možna budzie tyražavać, uziać u ruki, apranuć, pačytać, padaryć i, zrazumieła, natchnicca!

Vyznačeńnie pieramožcaŭ i pryzy

Na praciahu sakavika i krasavika ŭ sacyjalnych sietkach «Art-Siadziby» i Symbal.by dy partniorskich ŚMI my budziem znajomić biełarusaŭ z atrymanymi pracami i ich aŭtarami dy prapanoŭvać vykazvać svaje mierkavańni ŭ formie kamientaroŭ, smajłaŭ i bałaŭ.

 — nievierahodna — 5 bałaŭ;

 — pryšpilna — 4;

 — pojdzie — 3;

 — sprabuj jašče — 2;

 — drenna — 1;

 — nijak — 0.

Pa vynikach abmierkavańniaŭ u traŭni aŭtary troch najlepšych prac, jakija samastojna abiare kamanda «Art-Siadziby» z ulikam mierkavańniaŭ aŭdytoryi, atrymajuć hanarary za 1, 2 i 3 miescy — 600, 400 i 200 BYN adpaviedna, a ich pracy-pieramožcy z zachavańniem paznak aŭtarstva buduć uvasobleny ŭ novych praduktach kramy Symbal.by.

Pieramožcy taksama atrymajuć mahčymaść dalejšaj kamiercyjnaj supracy z arhanizatarami konkursu.

Usie ŭdzielniki konkursu atrymajuć pamiatnyja padarunki: knihi-malavanki «Maja radzima Biełaruś».

Umovy

Luby aŭtar moža dasłać nieabmiežavanuju kolkaść prac na konkurs.

Pracy z paznakaju «Symbal natchnieńnia — Biełaruś!» prymajucca da 9 krasavika ŭklučna na skrynku [email protected] u aryhinalnych farmatach i *.png (dla publikacyj u sacyjalnych sietkach i ŚMI).

Kožnaja praca pavinnna być paznačana nastupnym čynam:

  • imia i proźvišča,
  • nazva kožnaj pracy,
  • karotkaje apisańnie,
  • kantaktnyja dadzienyja (e-mail, telefon, sacyjalnyja sietki).

Aŭtarskija pravy

Dasyłajučy pracy na konkurs, udzielnik aŭtamatyčna paćviardžaje prava na publikacyju ich prac u ŚMI i sacyjalnych sietkach u farmacie.jpg z paznakaj aŭtarstva sa spasyłkaj na profil aŭtara ŭ sacyjalnych sietkach ci piersanalny sajt. 

Arhanizatary pakidajuć za saboju prava kamiercyjnaha vykarystańnia tolki prac-pieramožcaŭ, aŭtary jakich atrymali hanarary. Umovy mahčymaha dalejšaha kamiercyjnaha vykarystańnia astatnich prac, jakija dasyłalisia na konkurs, buduć dadatkova abmiarkoŭvacca ź ich aŭtarami.

Клас
0
Панылы сорам
0
Ха-ха
0
Ого
0
Сумна
0
Абуральна
0