Dziaržaŭny sakratar ZŠA Reks Tylersan pačaŭ vizit u Kitaj. Kitaj źjaŭlajecca apošnim punktam u turne novaha kiraŭnika amierykanskaj dypłamatyi pa Uschodniaj Azii.

Hałoŭnaj temaj turne stała abmierkavańnie paŭnočnakarejskaj jadziernaj i rakietnaj prahram.

Napiaredadni ŭ Sieule Tylersan zajaviŭ, što ŭ vypadku, kali KNDR budzie pahražać biaśpiecy Paŭdniovaj Karei abo amierykanskim abjektam na jaje terytoryi, moža być vajenny adkaz.

Miž tym prezident ZŠA Donald Tramp napisaŭ u Twitter, što Pchieńjan «pavodzić siabie vielmi drenna», a Piekin «robić zanadta mała, kab z hetym spravicca».

6 sakavika Paŭnočnaja Kareja zapuściła čatyry balistyčnyja rakiety, nazvaŭšy heta repietycyjaj ŭdaru pa amierykanskich bazach u Japonii.

Mižnarodnaje hramadstva asudziła hetyja dziejańni, a ZŠA i Japonija patrabavali sklikać Radu Biaśpieki AAN.

Try z čatyroch rakiet upali ŭ mory ŭ ekanamičnaj zonie Japonii. Tady ž prezydent ZŠA zajaviŭ, što rehijon vyjšaŭ «na novy ŭzrovień pahrozy».

Kiraŭnik kitajskaha MZS Van Li zaklikaŭ Paŭnočnuju Kareju spynić zapuski balistyčnych rakiet i jadziernyja vyprabavańni, kab «praduchilić nadychod kryzisu».

Piekin ličyć, što ŭ adkaz ZŠA i Paŭdniovaja Kareja pavinny prypynić sumiesnyja vajskovyja vučeńni, jakija zaŭsiody vyklikajuć razdražnieńnie KNDR.

Na nastupny dzień amierykanskija vajskoŭcy paviedamili ab prybyćci ŭ Paŭdniovuju Kareju supraćrakietnych sistem THAAD.

Raniej płany ZŠA raźmiaścić hetyja sistemy ŭ Paŭdniovaj Karei, uzhodnienyja ŭ 2016 hodzie, vyklikali pratesty Kitaja, jaki aścierahajecca, što radary supraćrakietnaj abarony zdolnyja kantralavać jaho pavietranuju prastoru na vialikuju hłybiniu. Niezadavolenaść sistemaj PRA vykazali i ŭ Maskvie.

Čakajecca, što mienavita heta stanie adnoj z tem ciapierašnich pieramovaŭ u Piekinie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?