U mienskim specpryjomniku ŭ maci pryniali pieradaču dla maładafrontaŭca Siarhieja Palčeŭskaha, adnak nie paviedamili pra syna nijakaj infarmacyi.
Lider «Maładoha frontu» Źmicier Daškievič raspavioŭ karespandentu Svabody, što maci Siarhieja patelefanavaŭ nieviadomy, jaki nibyta byŭ razam z Palčeŭskim u izalatry. Nieviadomy paviedamiŭ, što Siarhieju dali tolki troje sutak aryštu, a nia dziesiać.
«Siarhiej Palčeŭski znachodzicca ŭ specpryjomniku, ale niama peŭnaj infarmacyi kolki jamu dali i za što. U specpryjomniku admaŭlajucca tłumačyć navat rodnym. Nakiroŭvajuć u rajadździeły, a tyja kazać admaŭlajucca. Zaŭtra pojdzie advakat da Siarhieja, kab pra ŭsio daviedacca. Z takim my raniej nie sutykalisia, kab navat rodnym admaŭlalisia davać infarmacyju, za što čałaviek siadzić i na kolki dzion», — skazaŭ Źmicier Daškievič.
Ci pahražaje niešta abaroncam Kurapataŭ i asabista Źmicieru Daškieviču?
«Ja nie napružvajusia, u našaj krainie lubomu čałavieku moža što zaŭhodna pahražać. Mažliva prosta chacieli adpomścić. Zvažajučy na takuju hučnuju reakcyju demakratyčnaj supolnaści, moža, dalej nia buduć raźvivać hetu temu, nichto ž nia viedaje. Na vulicu pakul nie vychodziŭ. Ale zaŭtra pajdu, pahladzim, jak jano razhortvajecca».
Učora paplečniki Siarhieja Palčeŭskaha paviedamili, što jaho aryštavali na dziesiać sutak za ŭdzieł u niesankcyjanavanaj akcyi.
15 dzion aktyvisty trymali abaronu Kurapackaha narodnaha memaryjału. Budaŭnictva prypynili, zabudoŭščyki ad placoŭki admovilisia.
Kamientary