«Pamierła śmierciu trahičnaj va ŭzroście 18 hadoŭ»
Piša Kastuś Šytal.
Na mohiłkach Kopcieŭka ŭ Hłybokim maju ŭvahu pryciahnuŭ adzin pomnik. Nadpis na marmurovaj plicie śviedčyć, što tut pachavanaja Halina Anna de Tramiekurt, jakaja «pamierła śmierciu trahičnaj» 27 maja 1937 hoda.
Na mahile - miedaljon z fotazdymkam pryhožaj dziaŭčyny. Za dziesiać dzion da śmierci joj spoŭniłasia 18 hod… Pobač ź miedaljonam u marmury prarezanyja abrysy kvietki…
Mnie adrazu zachaciełasia daviedacca abstaviny hibieli hetaj dziaŭčyny. Pierahartaŭ staronki «Kurjera Wileńskiego» za tyja dni, ale ničoha nie znajšoŭ. Padumaŭ, što hazieta abyjšła ŭvahaj hetaje zdareńnie - i što ja nikoli nie daviedajusia hetuju tajamnicu.
Siońnia znoŭ staŭ hartać «Kurjer», kab adšukać zhadki pra padziei, jakija adbyvalisia ŭ našym rehijonie 80 hod tamu. Paśla repartažu z himnazii imia Stefana Batoryja ŭ Drui, paśla paviedamleńnia pra vialiki pažar u Miorach, paśla natatak pra adkryćcio viaślarskaha siezonu i honki na rovarach u Vialejcy - u №148 ad 1 červienia 1937 hoda ja natrapiŭ na paviedamleńni pra tapielcaŭ, uziatyja, vierahodna, z palicyjnaj chroniki.
«27 maja padčas prahułki bajdarkaj na Bieraźvieckim voziery patanuła 18-hadovaja Halina Tramiekurt, žycharka Hłybokaha. Jana sieła razam z Hienrykam Ziankievičam i Alaksandram Plisoŭskim ź Bieraźviečča, a taksama Maryjaj Kupisoŭnaj ź Jendžejova (jakaja časova znachodziłasia ŭ Hłybokim) u dvuchmiascovuju bajdarku, jakaja pierakuliłasia ŭ adlehłaści 50 m. ad bieraha. Pareštki zdabytyja».
Kamientary